19.03.2026 | 23:17
Էստոնիան մեղադրել է Ռուսաստանին օդային տարածքի խախտման համար
2025-ին հանրային մուլտիպլեքսի որևէ հեռուստաընկերություն շահույթով չի աշխատել․ Տիգրան Հակոբյան. ՏԵՍԱՆՅՈՒԹԵՐ
Հասարակություն
05.02.2026 | 13:26
«Հանրային մուլտիպլեքսի սլոթները շատ հրապուրիչ չեն, ինչ 10 կամ 15 տարի առաջ»,- այս մասին ասուլիսի ժամանակ նշեց ՀՌՀ նախագահ Տիգրան Հակոբյանը։
«Դրա տասնյակ բացատրություններ կան, առաջինը, որ գովազդը գիտեք, շատ ժամանակ գնում է համացանց, գնում է սոցիալական ցանցեր, գնում է կաբելային հեռարձակում։ Երկրորդը, վերջին հինգ, վեց տարվա ընթացքում Ազգային ժողովն ընդունել է օրենքներ և արգելել շահումով խաղերի գովազդը։ Շատ բարի նպատակ է հեռուստատեսություններին պարտադրել, որ 20% իրենց բովանդակության տան հանրօգուտ հաղորդումներ՝ մանկական, սպորտային, մշակութային։ Բայց այդ լավ նպատակները կամ ժեստերի լեզվով թարգմանելը շատ լավ է, բայց բավականին մեծ գումարի հետ է կապված։
Հեռուստատեսությունները փող չեն կարողանում աշխատել։ Նախորդ տարի, 2025-ին, որևէ հեռուստաընկերություն հանրային մուլտիպլեքսում շահույթով չի աշխատել։ Մի մասը պահում է, որովհետև դե պահում է, պիտի պահի էլի, այդպես 10-20 տարի, չի ուզում թողնի։ Մի մասը քաղաքական նպատակներով, որովհետև շահույթ գեներացնելը իրենց խնդիրը չէ, իրենց խնդիրը քաղաքական օրակարգ ձևավորելն է։ Մյուսները ինչ-որ չափով, ինչ-որ գրանտներով փորձում են աշխատել, բայց մենք մտավախություն ունենք, որ 27-28 թվականին, երբ որ կլինի լուրջ արդեն այդ մրցակցային սլոթները կազատվեն, մենք կարող է որոշ սլոթեր դատարկ ունենանք, հասկանու՞մ եք»,- նշեց Հակոբյանը։
Մանրամանսերը՝ տեսանյութում։
