05.02.2026 | 11:17
Էկոնոմիկայի նախարարության պաշտոնատար անձը «Զվարթնոց»-ում կաշառք է ստացել տնտեսվարողից․ ՀԿԿ
3 մեքենա է բախվել Երևան-Երասխ ճանապարհին. «Zil»-ը կողաշրջվել է
05.02.2026 | 09:38
Զոդ գյուղի կամրջի մոտակայքում տեղի է ունեցել ՃՏՊ. անհրաժեշտ է փրկարարների օգնությունը։ Այս մասին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել փետրվարի 4-ին, ժամը 22։33-ին, հայտնում է ՆԳՆ փրկարար ծառայությունը։
Հաղորդվում է, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ «Պարզվել է, որ Երևան-Երասխ ավտոճանապարհի 54-րդ կմ-ին բախվել են «Mercedes-Benz», «Mazda» և «Zil» մակնիշի ավտոմեքենաները, ինչի հետևանքով վերջինս կողաշրջվել է։ Մինչ փրկարարների կանչի վայր հասնելը՝ «Zil» մակնիշի բեռնատարի վարորդը և «Mazda» մակնիշի ավտոմեքենայի 2 ուղևոր հոսպիտալացվել են բժշկական կենտրոն»,- գրված է հաղորդագրության մեջ։
Փրկարարները հոսանքազրկել են «Mercedes-Benz» և «Zil» մակնիշի ավտոմեքենաները, փակել գազի բալոնների փականները։
