13.05.2026 | 22:08
«80 հազար վարձկան կներգրավենք». զրույց ընտրություններին հայտ ներկայացրած Արտակ Սարգսյանի հետ. ՏԵՍԱՆՅՈՒԹ
51 երկրի ներկայացուցիչ Երևանում մասնակցում է ՈՒԵՖԱ-ի ֆուտբոլային բժիշկների կրթական ծրագրին
04.02.2026 | 17:33
Այս օրերին Երևանում ընթանում է ՈՒԵՖԱ-ի Ֆուտբոլային բժիշկների կրթական ծրագիրը (FDEP): Այն Հայաստանում անցկացվում է առաջին անգամ։ Ծրագրի ընթացքին հետևում է Հայաստանի ֆուտբոլի ֆեդերացիայի նախագահ Արմեն Մելիքբեկյանը։
Բացման արարողությանը ներկա են եղել ՀՀ առողջապահության նախարար Անահիտ Ավանեսյանը, ՀՖՖ բժշկական դեպարտամենտի ղեկավար Նարեկ Վանեսյանը և ՈՒԵՖԱ-ի բժշկական ծառայության ղեկավար Զորան Բահտիյարևիչը, հաղորդում է ՀՖՖ մամուլի ծառայությունը։
FDEP-ին մասնակցում են ՈՒԵՖԱ-ի անդամ 51 ֆուտբոլային ասոցիացիաների ներկայացուցիչ բժիշկներ։ FDEP-ի շրջանակում վերապատրաստվում են մասնագետներ ֆուտբոլային բժշկության տարբեր ոլորտներում՝ արտակարգ բժշկական միջամտություն, վնասվածքների կանխարգելում, վերականգնում, սնուցում և հոգեբանական աջակցություն՝ ֆուտբոլիստների առողջության և անվտանգ խաղային միջավայրի ապահովման նպատակով։
Արմեն Մելիքբեկյանը նշել է. «Մեծ հաճույքով ողջունում եմ Ձեզ Երևանում։ Մեծ պատիվ է հյուրընկալել ձեզ այսպիսի միջոցառման շրջանակում։ Սա տարվա լավագույն եղանակը չէ Հայաստան այցի համար։ Հուսով եմ՝ կգաք նաև ամռանը և կտեսնեք այս արևոտ ու կանաչ երկիրը։ Բայց կարծում եմ՝ ամենակարևորն այստեղ ստացած ջերմությունն է։ Շնորհակալություն մասնակցության համար։ Հուսով եմ՝ այս օրերը ձեզ համար շատ արդյունավետ կլինեն»։
