14.07.2026 | 16:01
Իրանը հայտնում է Բանդար Աբբասում և Բուշերում պայթյունների ու հարվածների մասին
ՄԻՊ գրասենյակն ուսումնասիրում է ոստիկանության ծառայողի կողմից քաղաքացու խոշտանգման տեսանյութը
Քաղաքականություն
03.02.2026 | 19:05
ՄԻՊ գրասենյակն ուսումնասիրում է սոցցանցում տարածված տեսանյութը, որտեղ ոստիկանության աշխատակիցը հարվածում և հայհոյում է քաղաքացուն։ Այս մասին Factor.am-ի հարցին ի պատասխան հայտնեց ՄԻՊ խոսնակ Արթուր Ասլանյանը։
Լրագրող Սյուզի Բադոյանն էր սոցիալական ցանցում հրապարակել տեսանյութը՝ գրելով, որ ՆԳՆ Ոստիկանության Երևան քաղաքի վարչությունում ծեծով ու հայհոյանքներով, խոշտանգելով են փորձում ցուցմունք կորզել։ Ըստ լրագրողի՝ միջադեպը տեղի է ունեցել 4 ամիս առաջ։
Ներքին գործերի նախարարության մամուլի քարտուղար Նարեկ Սարգսյանը հայտնել է, որ տեսանյութում երևացող ծառայողի լիազորությունները կասեցվել են, նշանակվել է ծառայողական քննություն և առերևույթ հանցագործության վերաբերյալ տրվել է հաղորդում։
Քննչական կոմիտեից, սակայն, բանավոր չեն պատասխանում՝ ՆԳ նախարարության հաղորդման հիման վրա վարույթ նախաձեռնվե՞լ է, թե՞ ոչ։
Արփի Հակոբյան
