07.09.2026 | 11:21
Ունենք ոչ թե ավտոբուսների քանակի, այլ փողոցների ծանրաբեռնվածության խնդիր․ Ավինյան․ ՏԵՍԱՆՅՈւԹ
Հրանտ-Լեոն Ռանոսը և Ստյոպա Մկրտչյանը՝ 2-րդ Բունդեսլիգա տեղափոխության մասին
03.02.2026 | 12:58
Ձմեռային տրանսֆերային պատուհանի վերջին օրը Հայաստանի ազգային հավաքականի երկու ֆուտբոլիստներ տեղափոխվեցին Գերմանիայի 2-րդ Բունդեսլիգան ներկայացնող ակումբներ։ 22-ամյա հարձակվող Հրանտ-Լեոն Ռանոսը Մյոնխենգլադբախի «Բորուսիայից» վարձավճարով տեղափոխվեց Բրաունշվեյգի «Այնտրախտ», իսկ 22-ամյա պաշտպան Ստյոպա Մկրտչյանի տրանսֆերային իրավունքը «Նյուրնբերգը» գնեց խորվաթական «Օսիեկից»։ Նոր թիմերին միանալուց հետո հայ ֆուտբոլիստները կիսվել են տպավորություններով։
Հրանտ-Լեոն Ռանոս․ «Իսկապես անհամբեր սպասում եմ այս մարտահրավերին ու Բրաունշվեյգի «Այնտրախտին» այս մրցաշրջանում իր նպատակներին հասնելու հարցում օգնելուն։ Ցանկանում եմ ցուցադրել իմ ուժեղ կողմերը և շարունակել զարգանալ։ Ղեկավարությունն ու մարզիչն արագորեն համոզեցին ինձ, որ սա ճիշտ քայլ է։ Անհամբեր սպասում եմ մեկնարկին»,- Ռանոսի խոսքը մեջբերում է «Այնտրախտի» պաշտոնական կայքը։
Ստյոպա Մկրտչյան․ «Անհամբեր սպասում եմ գերմանական ֆուտբոլի հետ ծանոթությանը և 2-րդ Բունդեսլիգայի մարտահրավերին։ Շատ ուրախ եմ, որ այս ակումբ տեղափոխվելը հաջողվեց։ Անհամբերությամբ եմ սպասում «Նյուրնբերգի» երկրպագուների առջև խաղալուն»,- Մկրտչյանի խոսքը մեջբերում է «Նյուրնբերգի» պաշտոնական կայքը։
Transfermarkt-ը Հրանտ-Լեոն Ռանոսի տրանսֆերային արժեքը գնահատում է 1 միլիոն եվրո, իսկ Ստյոպա Մկրտչյանինը՝ 400 հազար եվրո։
