05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
UWW-ն վերանայել է ըմբիշների՝ օլիմպիական ուղեգիր նվաճելու գործընթացը
03.02.2026 | 11:23
Ըմբշամարտի միջազգային ֆեդերացիան (UWW) վերանայել է Օլիմպիական խաղերի որակավորման գործընթացը։
Սկսած 2028 թվականի Լոս Անջելեսի Օլիմպիական խաղերից, յուրաքանչյուր քաշային կարգում որակավորվող 16 ըմբիշներն իրենց ուղեգրերը կստանան չորս տարբեր ուղիներով՝ աշխարհի առաջնություն, Մայրցամաքային որակավորման մրցաշարեր, աշխարհի օլիմպիական որակավորման մրցաշար և UWW վարկանիշ, հաղորդում է ՀԸՖ մամուլի ծառայությունը։
2027թ․ աշխարհի առաջնությունը կլինի որակավորման առաջին փուլը, որի ընթացքում կբաշխվի 72 օլիմպիական ուղեգիր։ Օլիմպիական 18 քաշային կարգերից յուրաքանչյուրում մեդալակիրները կստանան Լոս Անջելես-2028-ի ուղեգիր՝ իրենց Ազգային օլիմպիական կոմիտեների (ԱՕԿ) համար։
Որակավորման երկրորդ փուլը կլինի UWW վարկանիշը, որտեղ վարկանիշային աղյուսակի առաջին երեք ըմբիշները, որոնք չեն որակավորվել առաջին փուլում, կստանան մեկ օլիմպիական ուղեգիր իրենց ԱՕԿ-ի համար՝ Օլիմպիական խաղերին մասնակցելու համար։
UWW վարկանիշը կհաշվարկվի Լոս Անջելես-2028-ից առաջ անցկացվող 7 հիմնական մրցաշարերի արդյունքներով։
