02.02.2026 | 17:02
Ալեն Սիմոնյանը հանդիպել է Հունգարիայի ԱԺ փոխնախագահ Իշտվան Յակաբի հետ
Ադրբեջանցի պատգամավորը ՀՀ-ի հետ խաղաղության պայմանագրի կնքման հնարավոր ժամկետների մասին է խոսել
Քաղաքականություն
02.02.2026 | 14:35
Ադրբեջանի Միլլի Մեջլիսի պատգամավոր Գուդրաթ Հասանգուլիևը հայտարարել է, որ Բաքուն կարող է Երևանի հետ խաղաղության պայմանագիր կնքել մինչև Հայաստանում կայանալիք հաջորդ ընտրությունները, այսինքն՝ մինչև հունիս։ Ըստ նրա՝ որպեսզի դա տեղի ունենա, Հայաստանը պետք է նոր Սահմանադրության մեջ ամրագրի Ադրբեջանի նկատմամբ տարածքային պահանջների բացակայությունը, գրում են ադրբեջանական լրատվամիջոցները։
Հասանգուլիևը նշել է, որ համաձայնագիրը նախաստորագրվել է անցյալ տարվա օգոստոսին և պետք է քննարկվի խորհրդարանում։
Պատգամավորը նաև առաջարկել է վերականգնել երկրների միջև երկաթուղային հաղորդակցությունը, այդ թվում՝ Սադարակ-Երևան գիծը, և ընդլայնել տրանսպորտային համագործակցությունը՝ Նախիջևանի զարգացումը արագացնելու համար։
Թարգմանությունը՝ Էմմա Չոբանյանի
