10.09.2026 | 19:15
Առուշ Առուշանյանը Գորիսի ընտրություններում ՔՊ-ի թեկնածուն է
Հարյուրավոր նամակներ եմ ստացել և շարունակում եմ ստանալ՝ գիտական ինստիտուտներ և լաբորատորիաներ այցերին միանալու իմ առաջարկի վերաբերյալ․ Ժաննա Անդրեասյան
Հասարակություն
01.02.2026 | 19:40
Սիրելի դպրոցականներ, հարյուրավոր նամակներ եմ ստացել և շարունակում եմ ստանալ՝ գիտական ինստիտուտներ և լաբորատորիաներ այցերին միանալու իմ առաջարկի վերաբերյալ։ Այս մասին ֆեյսբուքյան իր էջում գրել է ԿԳՄՍ նախարար Ժաննա Անդրեասյանը։
«Շատ ուրախ եմ, որ այդքան հետաքրքրված եք, ուզում եք մասնագիտական կողմնորոշման հնարավորություն ունենալ կամ արդեն իսկ հետաքրքրված եք գիտությամբ և ուզում եք ավելի մանրամասն ու առարկայական պատկերացնել ամեն ինչ։
Քանի որ իսկապես շատ բարդ է ընտրել, ապա առաջարկում եմ վարվենք հետևյալ կերպ. առաջին քսան դիմողների հետ միասին առաջիկա ուրբաթ օրը կգնանք
Քիմիական ֆիզիկայի ինստիտուտ, սակայն մյուսներն էլ, ովքեր գրել են, նույնպես կկարողանան այցելել ոչ միայն Քիմիական ֆիզիկայի, այլև մյուս գիտական ինստիտուտները։
Պիտի խնդրեմ, որ գրելիս անպայման նշեք ձեր հեռախոսահամարն ու ուսումնական հաստատությունը»,-նշել է նա։
