10.09.2026 | 17:01
1.45 մլրդ դրամ՝ Գյումրու թիվ 2 պոլիկլինիկայի հիմնանորոգման համար
Եվրո-2026․ Ֆուտզալի Հայաստանի հավաքականն ավարտեց ելույթը․ ՏԵՍԱՆՅՈՒԹ
31.01.2026 | 23:36
Ֆուտզալի Հայաստանի ազգային հավաքականն ավարտեց ելույթը Եվրոպայի առաջնության եզրափակիչ փուլում, որին մասնակցում էր առաջին անգամ։
Քառորդ եզրափակիչում Ռուբեն Նազարեթյանի գլխավորած թիմը 0։3 հաշվով պարտվեց Խորվաթիայի հավաքականին։
Լիտվայի Կաունաս քաղաքի «Ժալգիրիս Արենա» մարզապալատում կայացած խաղում խորվաթները վստահ անցկացրին առաջին խաղակեսը և խփեցին 3 անպատասխան գոլ։ Հայաստանի հավաքականը ևս ունեցավ իրական գոլային պահեր, սակայն չկարոցաղավ իրացնել դրանք։
Ընդմիջումից հետո Հայաստանի հավաքականն ավելի ակտիվ էր ու ավելի շատ էր վերահսկում գնդակը, բայց գոլ խփել չհաջողվեց։ Վերջին 10 րոպեներին Հայաստանի թիմը 5-րդ խաղացող էր մտցրել դարպասապահի փոխարեն։ Խորվաթների դարպասապահ Անտե Պիպլիցիան բազմիցս իր թիմին փրկեց գոլից։
Խորվաթիայի հավաքականը դուրս եկավ կիսաեզրափակիչ, որտեղ կմրցի Իսպանիա – Իտալիա զույգի հաղթողի հետ։
Կիսաեզրափակիչի ուղեգիր է նվաճել նաև Ֆրանսիայի հավաքականը, որը լրացուցիչ ժամանակում 4։2 հաշվով հաղթել է ուկրաինացիներին։
Հիշեցնենք, որ Լատվիայում, Լիտվայում և Սլովենիայում անցկացվող Եվրո-2026-ի խմբային փուլում Հայաստանի հավաքականը հաղթել էր 2024թ․ աշխարհի առաջնության բրոնզե մեդալակիր Ուկրաինային (2։1) ու Չեխիային (5:4), ոչ-ոքի խաղացել Լիտվայի հետ (3։3) ու 7 միավորով առաջին տեղը գրավել B խմբում։
