28.06.2026 | 21:45
Քննարկվում է դիզելային վառելիքի արտահանման ամբողջական արգելքի հնարավորությունը․ Պուտին
Ելենա Ռիբակինան առաջին տիտղոսը նվաճեց Australian Open-ում․ ՏԵՍԱՆՅՈՒԹ
31.01.2026 | 15:16
Ելենա Ռիբակինան կարիերայում առաջին անգամ նվաճեց թենիսի Ավստրալիայի բաց առաջնության կանանց մենախաղի չեմպիոնի կոչումը։
«Մեծ սաղավարտի» տարվա առաջին մրցաշարի եզրափակիչում Ղազախստանը ներկայացնող 26-ամյա թենիսիստը 3 սեթում առավելության հասավ աշխարհի առաջին ռակետ, բելառուս Արինա Սաբալենկայի նկատմամբ՝ 6։4, 4։6, 6։4։ Մրցախաղը տևեց 2 ժամ 19 րոպե։ Երրորդ սեթում Ռիբակինան պարտվում էր 0։3 հաշվով, սակայն կարողացավ «քամբեք» կատարել։
Աշխարհի 5-րդ ռակետ Ելենա Ռիբակինան կարիերայում երկրորդ տիտղոսը նվաճեց «Մեծ սաղավարտի» մրցաշարերում։ 2022-ին նա հաղթել էր նաև Ուիմբլդոնում։ Արինա Սաբալենկան չորրորդ տարին անընդմեջ խաղաց Australian Open-ի եզրափակիչում, որտեղ հաղթել է 2 անգամ։
Հիշեցնենք, որ Australian Open-ի տղամարդկանց մենախաղի եզրափակիչում փետրվարի 1-ին հանդիպելու են աշխարհի առաջին ռակետ, իսպանացի Կառլոս Ալկարասը և չորրորդ ռակետ, սերբ Նովակ Ջոկովիչը։
