12.09.2026 | 13:44
Առաջիկա օրերին ջերմաստիճանը կբարձրանա 4-6 աստիճանով․ Հայհիդրոմետ
21 թունավորման դեպք է եղել, տուժել է 64 մարդ, հիմնականում հանրային սննդի օբյեկտներում․ Պետրոսյան․ ՏԵՍԱՆՅՈՒԹ
30.01.2026 | 13:14
2025 թվականին արձանագրվել է թունավորման 21 դեպք, տուժել է 64 մարդ։ Այս մասին մամուլի ասուլիսի ժամանակ ասաց Սննդամթերքի անվտանգության վարչության ղեկավար Տիգրան Պետրոսյանը։
«Սննդային թունավորումները մեր գլխավոր մտահոգություններից են։ Այստեղ խոսում ենք սննդային գործոնով պայմանավորված թունավորումների դեպքերի վերաբերյալ։ Հիմնական դեպքերը գրանցվել են հանրային սննդի օբյեկտներում՝ սանիտարահիգիենիկ նորմերի խախտման, խաչաձև աղտոտվածության պատճառով։ Ամենաշատ տուժածները եղել են շաուրմայանոցներից մեկում՝ թունավորվել է 12 մարդ։ Մնացած բոլոր տեղերում թունավորումները եղել են մեկ-երկու հոգի»,- ասաց Պետրոսյանը։
Նրա խոսքով՝ խնդրի դեմ պայքարի ամենաարդյունավետ միջոցը որակի կառավարման «ՀԱՍՊ» համակարգի ներդրումն է։
ՍԱՏՄ ղեկավարը նաև հայտնեց, որ 2025 թվականին կայացվել է արտադրական գործունեության կասեցման 200 որոշում․ 131-ը վերբացվել է։
«2025 թվականին կայացվել է վարչական տուգանք նշանակելու մասին 1455 որոշում։ Ընդհանուր գումարը կազմել է ավելի քան 339 միլիոն ՀՀ դրամ, որոնցից տարեվերջի դրությամբ գանձվել է շուրջ 270 միլիոնը։ Այստեղ ևս 2023 և 2024 թվականների համեմատությամբ մեր թիվը եռակի, կրկնակի մեծացել է։ Բայց մեր գերնպատակը գումարների գանձումը և մեծ գումարներ հավաքագրելը չէ, մեզ ընդհակառակը պետք է պատկեր, որպեսզի վերահսկողության ոլորտում լինի կայուն իրավիճակ»,- նշեց Տիգրան Պետրոսյանը։
Մանրամասները՝ տեսանյութում։
