09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Australian Open․ Ջոկովիչի մրցակիցը հրաժարվեց պայքարից, Սիները ևս կիսաեզրափակիչում է․ ՏԵՍԱՆՅՈՒԹ
28.01.2026 | 15:15
Մելբուրնում ընթացող թենիսի Ավստրալիայի բաց առաջնության տղամարդկանց մենախաղի կիսաեզրափակիչի երկրորդ զույգը կազմեցին «Մեծ սաղավարտի» մրցաշարերի 24-ակի հաղթող, սերբ Նովակ Ջոկովիչն ու իտալացի Յանիկ Սիները։
Australian Open-ի գործող չեմպիոն Սիները 3 սեթում վստահ հաղթանակ տարավ ամերիկացի Բեն Շելթոնի նկատմամբ։ 2 ժամ 25 րոպե տևողությամբ մրցախաղում գրանցվեց 6։3, 6։4, 6։4 հաշիվը։
Աշխարհի չորրորդ ռակետ Նովակ Ջոկովիչը պայքարից դուրս թողեց իտալացի Լորենցո Մուզետիին, որը երրորդ սեթի ժամանակ վնասվածք ստացավ և չկարողացավ շարունակել մրցախաղը։ Առաջին ու երկրորդ սեթում Մուզետին հաղթել էր (6:4, 6:3), իսկ երրորդում հրաժարվեց պայքարից 1։3 հաշվի ժամանակ։
38-ամյա Ջոկովիչը 103-րդ հաղթանակն է տարել Australian Open-ում ու գերազանցել շվեյցարացի լեգենդար թենիսիստ Ռոջեր Ֆեդերերի ռեկորդը։
Ավելի վաղ կիսաեզրափակիչի առաջին զույգը կազմել էին աշխարհի առաջին ռակետ, իսպանացի Կառլոս Ալկարասն ու Գերմանիան ներկայացնող Ալեքսանդր Զվերևը։
