03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Նոր սկանդալ UFC-ում․ Մենամարտը չեղարկվել է պայմանավորված լինելու կասկածանքով
28.01.2026 | 14:01
UFC-ն կրկին բախվել է հնարավոր պայմանավորված մենամարտերի վերաբերյալ մեղադրանքների։ Լաս Վեգասում հունվարի 24-ին կայացած UFC 324-ում նախատեսված Մայքլ Ջոնսոն – Ալեքսանդր Էռնանդես մենամարտը չեղարկվել է մրցաշարի մեկնարկից մի քանի ժամ առաջ՝ խաղադրույքների շուկայում կասկածելի ակտիվության պատճառով, հաղորդում է iGaming Brazil-ը։
Մենամարտի չեղարկման մասին հայտարարությունից հետո բուքմեյքերներն արձանագրել են գործակիցների և խաղադրույքների ծավալների անոմալ շարժեր, ինչի հետևանքով որոշ ընկերություններ սահմանափակել են խաղադրույքների ընդունումը։ UFC-ի նախագահ Դենա Ուայթը հայտարարել է, որ չեղարկման որոշումը կայացվել է խաղադրույքների ազնվությունը վերահսկող կազմակերպությունից ստացված ազդանշանից հետո։
Հիշեցնենք, որ նոյեմբերին նմանատիպ իրավիճակ էր առաջացել Այզեկ Դուլգարյան – Յադիեր դել Վալե մենամարտի շուրջ, որտեղ միջադեպը հանգեցրել էր Հետաքննությունների դաշնային բյուրոյի կողմից հետաքննության, խաղադրույքների վերադարձի և հետագայում Դուլգարյանի հեռացմանը UFC-ից։
