07.09.2026 | 11:21
Ունենք ոչ թե ավտոբուսների քանակի, այլ փողոցների ծանրաբեռնվածության խնդիր․ Ավինյան․ ՏԵՍԱՆՅՈւԹ
Միրզոյանը ստորագրել է արհեստական բանականության կիրառման ոլորտում մարդու իրավունքների պաշտպանության մասին ԵԽ կոնվենցիան
Քաղաքականություն
28.01.2026 | 14:10
Հայաստանի Հանրապետության արտաքին գործերի նախարարությունից հայտնում են, որ նախարար Արարատ Միրզոյանը ստորագրել է «Արհեստական բանականության, մարդու իրավունքների, ժողովրդավարության և օրենքի գերակայության մասին» Եվրոպայի խորհրդի շրջանակային կոնվենցիան:
Նշվում է, որ կոնվենցիան միջազգային առաջին իրավական փաստաթուղթն է, որը նպատակ ունի ապահովել մարդու հիմնարար իրավունքների պաշտպանությունն արհեստական բանականության կիրառման ոլորտում։
«Կոնվենցիայի ստորագրումը հնարավորություն կտա միջազգային գործընկերների հետ սերտ համագործակցության միջոցով զարգացնել արհեստական բանականության կիրառման ոլորտին առնչվող իրավական դաշտը»,-ասված է հաղորդագրությունում։:
Հաղորդվում է, որ Եվրոպայի խորհրդի Գլխավոր քարտուղար Ալեն Բերսեն շնորհակալություն է հայտնել ՀՀ-ին կոնվենցիան ստորագրելու և այս ուղղությամբ միջազգային համագործակցության խթանման ջանքերին միանալու համար։
Շրջանակային կոնվենցիան առ այսօր ստորագրել է 17, այդ թվում՝ ԵԽ անդամ ու դիտորդ երկիր, ինչպես նաև ԵՄ-ն։
Կոնվենցիան այս պահին ստորագրած երկրները. Անդորրա, Բոսնիա և Հերցեգովինա, Վրաստան, Իսլանդիա, Լիխտենշտեյն, Մոնտենեգրո, Նորվեգիա, Մոլդովա, Սան Մարինո, Շվեյցարիա, Ուկրաինա, Միացյալ Թագավորություն, ԵԽ դիտորդ երկրներից՝ ԱՄՆ, Կանադա, Ճապոնիա, ԵԽ ոչ անդամ երկրներից՝ Իսրայել, Ուրուգվայ:
