19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Հունվարի 27-ով փորձում են ստվերել սեպտեմբերի 27-ը․ 44-օրյա պատերազմում զոհված Մխիթար Գալեյանի մայր․ ՏԵՍԱՆՅՈՒԹ
Հասարակություն
28.01.2026 | 13:31
Հունվարի 27-ը ընդունեցին որպես խոնարհումի օր, որպեսզի, իմ կարծիքով, ստվերեն սեպտեմբերի 27-ը։ «Եռաբլուր» զինվորական պանթեոնում այսպիսի կարիծիք հայտնեց 44-օրյա պատերազմում զոհված Մխիթար Գալեյանի մայրը՝ Աստղիկ Գալեյանը։
«Սեպտեմբերի 27-ը պետք է համարվեր հիշատակի, խոնարհումի օր, որովհետև հենց սեպտեմբերի 27-ից սկսվեց մեր հայրենիքի հանձնումը, սկիզբ դրվեց մեր հայրենիքի հանձնմանը»,- նշեց Գալեյանը։
Դիտարկմանը, որ իշխանության ներկայացուցիչներն օրվա ընտրությունը հիմնավորում են բոլոր ժամանակներում հայրենիքի համար նահատակվածների օր, Գալեյանն արձագանքեց։
«Ես հասկանում եմ, բայց կարելի էր ավելի ուրիշ օր ընտրել, որ չհամընկներ այլ պետության ինչ-որ ցեղասպանության օրվա հետ։ Կարելի էր և ուրիշ ավելի նեյտրալ օր ընտրել, բայց, իմ կարծիքով, 27-ը սեպտեմբերի ամենահարմար օրն էր, որովհետև հենց սեպտեմբերի 27-ից սկսվեց հայ ժողովրդի, այսպես ասած, սև օրերը»,- ընդգծեց Աստղիկ Գալեյանը։
Մանրամասները՝ տեսանյութում։
