ՀԱՊԿ-ը չի խանգարել, էժան սպառազինություն ենք ձեռք բերել․ Սեյրան Օհանյան․ ՏԵՍԱՆՅՈՒԹ

ՀԱՊԿ-ի հետ հարաբերությունները փչացրել է այսօրվա իշխանությունը՝ Նիկոլ Փաշինյանը, երբ որ ինքը փորձել է ՀԱՊԿ-ի գլխավոր քարտուղարին ձերբակալել։ Այս մասին «Եռաբլուր» զինվորական պանթեոնում ասաց Պաշտպանության նախկին նախարար, ԱԺ «Հայաստան» խմբակցության պատգամավոր Սեյրան Օհանյանը։

«ՀԱՊԿ-ի հետ հարաբերությունների, այնուհետև սառեցման պատասխանատուն ինքն է (նկատի ունի Նիկոլ Փաշինյանը-խմբ․), որովհետև մեր տարածաշրջանում մենք ՀԱՊԿ-ի հետ հարաբերությունները գլոբալ առումով ձևավորում ենք տարածաշրջանային խոշոր պետությունների դեմ պայքարելու համար»,- ասաց Օհանյանը։ 

Պաշտպանության նախկին նախարարն ընդգծեց, որ Հայաստանը ՀԱՊԿ-ից ավելի էժան սպառազինություն է ձեռք բերել, կան հիմա գործող իշխանությունն է ձեռք բերում տարբեր երկրներից։

«ՀԱՊԿ-ի հետ համագործակցությունը, Ռուսաստանի հետ համագործակցությունը մեզ չի խանգարել, որպեսզի մենք այն ժամանակվա հնարավորություններով սպառազինություն ձեռք բերենք տարբեր երկրներից, օրինակ՝ Չինաստանից, եվրոպական տարբեր երկրներից»,- նշեց Սեյրան Օհանյանը։

Ինչո՞ւ ռազմական տեխնիկա ձեռք չի բերվել Հնդկաստանից կամ Ֆրանսիայից, ինչպես հիմա է արվում՝ հետաքրքրվեցինք պատգամավորից։

«Այն ժամանակ պարզապես հարաբերությունների այդպիսի լայն դաշտ այդ երկրների հետ չենք ունեցել, բայց Ֆրանսիայից մենք սպառազինություն ձեռք ենք բերել, օրինակ՝ դիպուկահարների հրացաններ»,- ասաց Օհանյանը։

Մանրամասները՝ տեսանյութում։