16.09.2026 | 13:16
Քաղաքական մազոխիզմով եք զբաղված, հաճույք եք ստանում ՀՀ սուվերեն տարածքները ծվեն-ծվեն անելուց․Դավթյան․ ՏԵՍԱՆՅՈՒԹ
UFC․ Արման Ծառուկյանը նահանջել է դասակարգման աղյուսակում
28.01.2026 | 12:04
UFC-ն թարմացրել է թեթև քաշային կարգի դասակարգման աղյուսակը, որն ունի նոր առաջատար։
Ամերիկացի Ջասթին Գեյջին հունվարի 25-ին կայացած UFC 324-ում բրիտանացի Փեդի Փիմբլեթի նկատմամբ հաղթանակից ու ժամանակավոր չեմպիոնի տիտղոսը նվաճելուց հետո շրջանցել է Արման Ծառուկյանին ու բարձրացել առաջին տեղ։ Հայ մարտիկը նահանջել է երկրորդ տեղ, իսկ լավագույն եռյակը եզրափակում է բրազիլացի Չարլզ Օլիվեյրան։ Լավագույն հնգյակում են նաև Մաքս Հոլուեյը և Փեդի Փիմբլեթը։ 6-րդ տեղում է նորզելանդացի Դեն Հուկերը, որը նոյեմբերի 22-ին կայացած նախորդ մենամարտում պարտվել էր Արման Ծառուկյանին։
UFC-ի թեթև քաշային կարգի չեմպիոնն Իլյա Տոպուրիան է, որը ժամանակավոր դադար է վերցրել կարիերայում։ Սպասվում է, որ 37-ամյա Գեյջին հաջորդ մենամարտն անցկացնելու է Տոպուրիայի հետ։
29-ամյա Արման Ծառուկյանը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
