02.07.2026 | 18:00
Վճռականորեն ասում եմ` երկաթուղին ՀՀ սեփականությունն է և պետք է ծառայի մեր շահերին. Փաշինյան․ ՏԵՍԱՆՅՈՒԹ
Բաքվում գտնվելու մասին ոչինչ չի պատմել, մենք էլ չենք հարցրել. Վագիֆ Խաչատրյանի դուստր
Հասարակություն
15.01.2026 | 14:46
«Հայրս դեռ մի քանի օր բժշկական կենտրոնում կմնա, այնուհետև դուրս կգրվի»,- այս մասին Factor TV-ի հետ զրույցում նշեց Ադրբեջանի գերությունից Հայաստան վերադարձած Վագիֆ Խաչատրյանի դուստրը` Վերան։
Նրա խոսքով` հանդիպել են հորը, շատ ուրախ է, որ հայրենիքում է։ «Բաքվում գտնվելու ժամանակաշրջանից ոչինչ չի պատմել, մենք էլ չենք հարցրել»,- ասաց նա։
Հիշեցնենք՝ հունվարի 14-ին Նիկոլ Փաշինյանը ֆեյսբուքում հայտնեց, որ Գևորգ Սուջյանը, Դավիթ Դավթյանը, Վիգեն Էուլջեքջյանը և Վագիֆ Խաչատրյանը Հակարիի կամրջով Ադրբեջանի Հանրապետության համապատասխան մարմինների ներկայացուցիչների կողմից հանձնվել են Հայաստանի Հանրապետության համապատասխան մարմինների ներկայացուցիչներին և հիմա գտնվում են ՀՀ տարածքում։
«Նրանք նախնական զննությամբ առողջական խնդիրներ չունեն։ Վագիֆ Խաչատրյանի առողջական վիճակը նախնական գնահատվում է բավարար։ Նրանք տեղափոխվում են Երևան»,- գրել է Փաշինյանը։
Եվգենյա Համբարձումյան
