03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Զինվորի մահվան դեպքի առթիվ վարույթ է նախաձեռնվել. ՔԿ-ն չի մանրամասնում՝ սպանության, թե ինքնասպանության հոդվածով
Հասարակություն
15.01.2026 | 11:16
Երեկ առավոտյան N զորամասում հայտնաբերված զինծառայողի մահվան դեպքի առթիվ նախաձեռնվել է քրեական վարույթ։ Այս մասին Factor TV-ի հարցմանն ի պատասխան հայտնեցին Քննչական կոմիտեից՝ առանց մանրամասնելու, թե որ հոդվածով է նախաձեռնվել վարույթը՝ սպանության, թե ինքնասպանության։
«Նշանակվել է դիակի դատաբժշկական փորձաքննություն: Կատարվում է նախաքննություն»,- նշեց ՔԿ մամուլի քարտուղար Կիմա Ավդալյանը։
Հիշեցնենք՝ երեկ ՊՆ մամուլի քարտուղարը հաղորդագրություն տարածեց, որ առավոտյան 09:50-ի սահմաններում զորամասերից մեկում զինծառայողի դի է հայտնաբերվել։ Ըստ Պաշտպանության նախարարության հաղորդագրության՝ Վահան Պետրոսյանի մարմնին հրազենային վնասվածք է եղել։ «Դեպքի հանգամանքներն ամբողջովին պարզելու նպատակով ընթանում է քննություն»,- հաղորդագրությանը կից գրել էր Արամ Թորոսյանը:
Ռոզա Վարդանյան
