06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Բաքվի կառավարական աղբյուրները բացառել են Արցախի ռազմաքաղաքական ղեկավարների ազատ արձակումը կամ Հայաստանին փոխանցումը
Քաղաքականություն
15.01.2026 | 10:46
Ադրբեջանի և Հայաստանի միջև երկկողմ համաձայնագրի համաձայն և հումանիզմի սկզբունքներով առաջնորդվելով՝ չորս անձինք՝ Վագիֆ Խաչատրյանը, Գևորգ Սուջյանը, Դավիթ Դավթյանը և Վիգեն Աբրահամ Էուլջեքջյանը, որոնք մեղավոր էին ճանաչվել Ադրբեջանի Քրեական օրենսգրքի տարբեր հոդվածներով և իրենց պատիժը կրում էին Ադրբեջանում, փոխանցվել են Հայաստանին։ Այս մասին գրում է ադրբեջանական APA լրատվական գործակալությունը։
Նշվում է, թե չնայած այս քայլի օբյեկտիվ պատճառները հանրությանը բացատրվել են, սոցիալական ցանցերում քննարկումները ենթադրում են, որ ներկայում ընթացող դատավարությունների մասնակիցները նույնպես կարող են, ի վերջո, փոխանցվել Հայաստանին։ Ադրբեջանի կառավարության աղբյուրներն APA-ին հայտնել են, որ նման հնարավորություն գոյություն չունի։
«Այս ենթադրությունները պատրանքային են։ Բացառվում է խունտայի առաջնորդների և ադրբեջանական ժողովրդի դեմ հանցագործություններ կատարած այլ անձանց ազատ արձակումը կամ փոխանցումը Հայաստանին»,- նշել է աղբյուրը։
Մեկ այլ կառավարական աղբյուր նույնպես վճռականորեն հաստատել է այս դիրքորոշումը՝ նշելով. «Նրանք պատասխանատվության կենթարկվեն իրենց կատարած հանցավոր գործողությունների համար, և երբ նրանց մեղքը ապացուցվի, կպատժվեն ամենախիստ ձևով»։
Ադրբեջանը Հայաստանին է փոխանցել 4 հայ գերիների՝ Դավիթ Դավթյանին, Գևորգ Սուջյանին, Վիգեն Էուլջեքջյանին, Վագիֆ Խաչատրյանին:
Թարգմանությունը՝ Էմմա Չոբանյանի
