09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Պարեկները հայտնաբերել են խախտումներ կատարած վարորդներին․ ՆԳՆ
Հասարակություն
12.01.2026 | 16:25
ՆԳՆ-ն անդրադարձել է շրջանառվող այն տեսանյութին, որտեղ Ներքին Գետաշեն-Մարտունի ճանապարհին մի քանի ավտոմեքենայի վարորդներ երթևեկում են ուղևորների փոխադրման կանոնները խախտելով և վարում հանդիպակաց գոտիով։
«Գեղարքունիքի մարզի պարեկները պարզել են վարորդների ինքնությունը։ Մեքենաները հայտնաբերվել և տեղափոխվել են պահպանվող հատուկ տարածք, իսկ վարորդների նկատմամբ կազմվել են վարչական իրավախախտման վերաբերյալ արձանագրություններ։
Ի դեպ, տեսանյութը նկարահանվել էր նորակոչիներին զինվորական կոմիսարիատ ուղեկցելու ճանապարհին, և սա նմանատիպ առաջին դեպքը չէր։
Զորակոչերի ընթացքում լինում են դեպքեր, երբ նորակոչիկներին ճանապարհելու եկած մտերիմները մեքենաներով խոչընդոտում են նորակոչիկներին տեղափոխող ավտոբուսի ընթացքը՝ կոպիտ կերպով խախտելով երթևեկության կանոնները և հաճախ ստեղծելով վթարային իրավիճակներ։
Տեղեկացնենք մեր քաղաքացիներին, որ նման դեպքերում պատասխանատվություն է նախատեսված նաև քրեական օրենսգրքով»,- ասված է հաղորդագրությունում։
