Հոկեյի ազգային լիգայի (NHL) կանոնավոր առաջնության հերթական տուրում ամերիկյան «Վաշինգտոն Քեփիթալզն» Ալեքսանդր Օվեչկինի գոլի ու ասիստի օգնությամբ 3։2 հաշվով արտագնա հաղթանակ է տարել «Նեշվիլ Պրոտադորզի» նկատմամբ։
Ռուս լեգենդար հոկեյիստը 20-րդ գոլն է խփել ընթացիկ մրցաշրջանում։ 40-ամյա հարձակվողը կարիերայի 20-րդ մրցաշրջանն է անցկացնում 20 և ավելի գոլով։ Այդ ցուցանիշով Օվեչկինը զիջում է միայն կանադացի լեգենդար հոկեյիստ Գորդի Հոուին (26 մրցաշրջան)։
Ալեքսանդր Օվեչկինը 994-րդ (908 գոլ կանոնավոր առաջնությունում, 77 գոլ փլեյ-օֆֆում) գոլն է խփել NHL-ում և շարունակում է մոտենալ Ուեյն Գրետցկիի պատմական ռեկորդին։ Կանադացի լեգենդար հարձակվողը NHL-ի պատմության լավագույն ռմբարկուն է 1016 (894+122) գոլով։
