31.01.2026 | 16:39
Հրազդան քաղաքում 4 մեքենա է բախվել
2025-ին 43 ոստիկան ենթարկվել է կարգապահական պատասխանատվության․ ՆԳՆ
09.01.2026 | 20:48
2025 թվականի ընթացքում Ներքին գործերի նախարարությունում տեղի է ունեցել կարգապահական հանձնաժողովի 8 նիստ, որոնց ընթացքում քննարկվել են ոստիկանության 45 ծառայողների վերաբերյալ իրականացված ծառայողական քննությունների 41 նյութ և եզրակացություն։ Այս մասին հայտնում են ՆԳՆ-ից՝ նշելով, որ երեք ծառայողի վերաբերյալ նյութերը հանձնաժողովում քննարկվել են կրկնակի։
Փաստական հանգամանքների մանրակրկիտ վերլուծության արդյունքում կարգապահական հանձնաժողովը միջնորդել է ծառայողական քննությունները նշանակած պաշտոնատար անձին ոստիկանության 43 ծառայողի ենթարկել կարգապահական պատասխանատվության։
Մասնավորապես առաջարկվել է`
2 ծառայողի նկատմամբ կիրառել «նկատողություն»,
11 ծառայողի նկատմամբ՝ «խիստ նկատողություն»,
30 ծառայողի նկատմամբ՝ «ոստիկանությունից ազատում» կարգապահական տույժը։
Ըստ ՆԳՆ-ի՝ միևնույն ժամանակ, երկու ծառայող ազատվել է կարգապահական պատասխանատվությունից։
Ներքին գործերի նախարարությունում ընդգծում են, որ առանձնակի ուշադրություն է դարձվում ծառայողական քննությունների և ուսումնասիրությունների արդյունքների հանրային իրազեկմանը։ Ըստ նախարարության՝ այս մոտեցումը կարևոր քայլ է թափանցիկության բարձրացման, հանրային հաշվետվողականության ապահովման և իրավապահ համակարգի նկատմամբ վստահության ամրապնդման ուղղությամբ։
