29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Երեկ Ադրբեջանի տարածքով Հայաստան է մտել 8485 տոննա ռուսական հացահատիկ․ ադրբեջանական նավթամթերքը ճանապարհին է․ Գևորգ Պապոյան
Տնտեսություն
09.01.2026 | 09:53
ՀՀ էկոնոմիկայի նախարար Գևորգ Պապոյանը գրառմամբ տեղեկացրել է, որ նախօրեին Ադրբեջանի տարածքով Հայասատան է մտել ռուսական ցորենի որոշ խմբաքանակ։ Նշում է, որ ցորենի 4103 տոննան, ինչխես նաև 7600 տոննա ադրբեջանական նավթամթերքը ճանապարհին է։
«2025թ. Ադրբեջանի տարածքով երկաթուղու միջոցով Հայաստան է մտել 6580 տոննա հացահատիկ, որից 1000 տոննան ղազախական և 5580 տոննան՝ ռուսական, ինչպես նաև 1210 տոննա ադրբեջանական բենզին։
2026թ. հունվարի 8-ի դրությամբ Ադրբեջանի տարածքով երկաթուղու միջոցով Հայաստան է մտել 8485 տոննա ռուսական հացահատիկ և 4103 տոննա ճանապարհին է, ինչպես նաև ճանապարհին է 7600 տոննա ադրբեջանական նավթամթերք, որից 6100 տոննան բենզին է, 1500 տոննան՝ դիզել։
Ինչպես նշել էի նախորդիվ, ակնկալվում է մինչև 80 դրամ բենզինի և դիզելի գնանկում 1 լիտրի համար՝ նախորդ ամսվա գների համեմատ։
Ուրախ եմ տեղեկացնել, որ այս զարգացումներով պայմանավորված, նավթամթերք վաճառող մյուս ընկերությունները ևս աշխատում են գների իջեցման ուղղությամբ»,- գրել է նախարարը։
Հիշեցնենք, որ դեկտեմբերի 12-ին Ադրբեջանից Հայաստան էր ժամանել նավթամթերքով բեռնված գնացք։
