02.07.2026 | 15:22
Ձեր մեղավորությամբ ՀՀ-ն վերածվել է քաղկալանավայրի՝ բաց երկնքի տակ․ Մանուկյանը դիմեց ֆոն դեր Լայենին․ ՏԵՍԱՆՅՈՒԹ
ՀՀ ԱԽ քարտուղարը և իրանական պատվիրակությունը քննարկել են տարածաշրջանային կապուղիների ապաշրջափակման հարցեր
Քաղաքականություն
08.01.2026 | 19:00
ՀՀ ԱԽ քարտուղար Արմեն Գրիգորյանը Իրանի Իսլամական Հանրապետության արտաքին գործերի նախարարի տեղակալ Մաջիդ Թախթ Ռավանչիի գլխավորած պատվիրակության հետ հանդիպմանը քննարկել է հայ–իրանական հարաբերությունների խորացման, ռազմավարական համագործակցության և տարածաշրջանային կապուղիների ապաշրջափակման հարցերը։ Այս մասին տեղեկացնում են ԱԽ գրասենյակից։
«ԱԽ քարտուղարը ողջունել է պատվիրակության այցը Հայաստան և բարձր գնահատել ՀՀ–ԻԻՀ երկկողմ հարաբերությունների զարգացման կայուն և դրական դինամիկան, որն ընդգրկում է տնտեսական, մշակութային, քաղաքական և անվտանգային ոլորտները։ Կողմերը վերահաստատել են երկկողմ հարաբերությունները ռազմավարական մակարդակի բարձրացնելու պատրաստակամությունը։
Հանդիպման ընթացքում անդրադարձ է կատարվել նաև տարածաշրջանային կապուղիների ապաշրջափակման հարցերին։ Այս համատեքստում երկուստեք կարևորել է Հյուսիս–հարավ ճանապարհային ենթակառուցվածքի զարգացումը՝ ի շահ երկու երկրների։
Արմեն Գրիգորյանը նշել է, որ ՀՀ կառավարությունը հետևողական է «Խաղաղության խաչմերուկ» նախագծի իրագործման հարցում՝ ընդգծելով դրա կարևորությունը տարածաշրջանային կայունության, փոխկապակցվածության և համագործակցության խթանման տեսանկյունից»,- ասված է հաղորդագրությունում։
