04.04.2026 | 20:03
ՃՏՊ՝ հրդեհի բռնկմամբ
Շառա Բուլետ․ Արման Ծառուկյանի հետ մենամարտի հոնորարը ռեկորդային էր ինձ համար
08.01.2026 | 19:10
UFC-ի մարտիկ Շառա Բուլետը (Շարաբուտդին Մագոմեդով) պատմել է, որ մեծ գումար է ստացել Արման Ծառուկյանի հետ մենամարտի համար։ UFC-ի թեթև քաշային կարգի դասակարգման առաջատար Ծառուկյանը ռուսաստանցի մարտիկի հետ գրեփլինգի մենամարտ էր անցկացրել դեկտեմբերի 30-ին Երևանի Կարեն Դեմիրճյանի անվան մարզահամերգային համալիրում կայացած Hype Fighting մրցաշարում։ Գրանցվել էր ոչ-ոքի։
«Ինձ համար դա ռեկորդային հոնորար էր։ Ես ընդհանրապես չէի լսել, որ գրեփլինգում նման գումարներ վճարեն։ Այն իրարանցումն ու հետաքրքրությունը, որը մենք կարողացանք առաջացնել մենամարտի շուրջ, դա ինչ-որ նոր բան էր այդ մարզաձևի համար։ Գուցե նման բան եղել էր այն ժամանակ, երբ մրցագորգ էր դուրս գալիս Ալեքսանդր Կարելինը»,- հանրահայտ պրոմոութեր Կամիլ Գաջիևի հետ հարցարզույցում ասել է Շառա Բուլետը։
Ավելի վաղ հայտնի էր դարձել, որ հոլիվուդյան դերասան Թոմ Հարդին առաջարկ է ստացել Երևանում գրեփլինգի մենամարտ անցկացնել Արման Ծառուկյանի հետ, սակայն հրաժարվել է։
