05.06.2026 | 00:45
Թող գա տեսնենք` ով ա կատուն, ով` առյուծը. Փաշինյանը` Ծառուկյանին. ՏԵՍԱՆՅՈՒԹ
Մեռնելուց եմ փրկվել, սառույցը պոկվեց ընկավ․ «անակնկալ» ձյունն ու տեղաշարժման խնդիրներ ունեցող անձինք․ ՏԵՍԱՆՅՈՒԹ
Հասարակություն
08.01.2026 | 18:40
Հակոբ Կարապետյանն ապրում է Նոր Նորքի հինգերորդ զանգվածում։ Տեսողական խնդիրներով տղամարդը ստիպված է ամեն օր աշխատանքի գնալ ու տուն վերադառնալ նույն սառցապատ ճանապարհով։ Շենքի բակից մինչև կանգառ միասին ենք քայլում․ մայթերը սառած են, սայթաքելու վտանգը՝ մեծ։
Հակոբը փորձում է շքամուտքից դանդաղորեն հասնել կանգառ, մերկասառույցի պայմաններում անծանոթ հատվածներում կողմնորոշվելը չափազանց բարդ է։
Բակից մինչև կանգառ կարճ հատվածն անցնելու համար պահանջվեց շուրջ 15 րոպե, մինչդեռ այլ եղանակի պայմաններում Հակոբը ճանապարհն անցնում է երկու-երեք րոպեում։
Երևանի անգամ կենտրոնական փողոցներին հարող մայթերին իրավիճակն էականորեն չի տարբերվում։ Դեմիրճյան փողոցում հանդիպեցինք Երևանի քաղաքապետարանի ԵԱՍՄ հիմնարկի աշխատակիցների, մայթերն էին մաքրում՝ փորձելով ջարդել սառույցը։
Եթե փողոցներն ու մայթերը համեմատաբար անցանելի են, նույնը չի կարելի ասել թեքահարթակների մասին։ Արամի փողոցում, օրինակ, թեքահարթակներ կան, որոնք ամբողջությամբ ծածկված են աստիճանների վրայից մաքրված ձնաթմբերով։
«Հաշմանդամություն ունեցող անձանց իրավունքների օրակարգ» ՀԿ նախագահ Մուշեղ Հովսեփյանի խոսքով՝ այս իրավիճակում խախտվում է հաշմանդամություն ունեցող անձանց ազատ տեղաշարժի իրավունքը։
Մինչ Երևանի քաղաքապետարանի ԵԱՍՄ հիմնարկի ֆեյսբուքյան էջում ձնամաքրման աշխատանքների մասին հրապարակումները վերջին օրերին գերակշռում են, իսկ քաղաքապետ Տիգրան Ավինյանը հայտարարում է, որ այս տարի ձյան տեղումներին ավելի պատրաստված են, մայրաքաղաքի բազմաթիվ մայթեր ու թեքահարթակներ շարունակում են պատված մնալ սառույցով։
Մանրամասները՝ տեսանյութում։
Անի Թամրազյան
