10.10.2026 | 18:45
Քննարկվել են Հայաստան–Կորեա համագործակցությանն առնչվող հարցեր
Ամերիկացի ըմբիշը չի հավատում Արման Ծառուկյանի հաջողությանն առաջիկա մենամարտում
08.01.2026 | 17:41
Խառը մենամարտերում հանդես եկող ամերիկացի մարզիկ ու ըմբիշ Մայքլ Օլիվերը կարծիք է հայտնել UFC-ի թեթև քաշային կարգի դասակարգման առաջատար Արման Ծառուկյանի առաջիկա մենամարտի վերաբերյալ։ Հունվարի 10-ին հայ մարտիկը Ֆլորիդայում կայանալիք RAF 05 (Real American Wrestling) մրցաշարում ազատ ոճի ըմբշամարտի գոտեմարտ է անցկացնելու PFL նախկին մարտիկ, 38-ամյա ամերիկացի Լենս Փալմերի հետ։
«Ես չեմ կասկածում Լենսի վրա, դա տոն կլինի մեր փողոցում։ Այստեղ որևէ հարց չի կարող լինել։ Լենսը կհասնի հաջողության։ Արմանը կարևոր դեմք է խառը մենամարտերում ու ջիու-ջիցուում։ Սակայն Փալմերը լուրջ ճանապարհ ունի ըմբշամարտում, այդ պատճառով նախապատվությունը տալիս եմ նրան»,- Մայքլ Օլիվերի խոսքը մեջբերում է Home of Fight-ը։
Հիշեցնենք, որ Երևանում UFC-ի մարտիկ Շառա Բուլետի հետ գրեփլինգի մենամարտ անցկացնելուց հետո Արման Ծառուկյանն արդեն վերադարձել է ԱՄՆ և պատրաստվում է առաջիկա մենամարտին։
