18.08.2026 | 22:17
Հայաստանի մի շարք հասցեներում էլեկտրաէներգիայի անջատումներ կլինեն
Մի շարք համարանիշներ կընդգրկվեն «մեծ պահանջարկ ունեցողների» շարքում
Հասարակություն
08.01.2026 | 22:30
«Առանձնահատուկ պահանջարկ ունեցող» և «մեծ պահանջարկ ունեցող» համարանիշների հետ կապված որոշումներում փոփոխություններ կլինեն։
ՀՀ կառավարության գործող որոշումներով սահմանված են համարանիշների որոշակի համադրություններ, որոնք համարվում են պահանջված։ Ըստ Ներքին գործերի նախարարության՝ գործնականում պարզվել է, որ կան թվերի և լատինական տառերի որոշ համադրություններ, որոնք․
-
իրենց տեսքով շատ նման են պահանջարկ ունեցող համարանիշներին,
-
ունեն «գեղեցիկ» կամ առանձնահատուկ տեսք (օրինակ՝ շատ «0»-ներ, նույնական թվեր),
-
բայց չեն մտնում գործող կարգավորումներով սահմանված ոչ մի կատեգորիայի մեջ։
Հիմնավորման մեջ նշվում է, որ այս համադրությունները չեն համապատասխանում 2023 թ․ որոշմամբ սահմանված «առանձնահատուկ պահանջարկ ունեցող համարանիշների» տրամաբանությանը, բայց նաև ընդգրկված չեն 2007 թ․ որոշմամբ սահմանված «մեծ պահանջարկ ունեցող» համարանիշների ցանկում։
Նախագիծը առաջարկում է․
-
այդ «միջանկյալ» համադրությունները ներառել «մեծ պահանջարկ ունեցող համարանիշների» շրջանակում,
-
այսպիսով ամբողջական դարձնել մեծ պահանջարկ ունեցող համարանիշների ցանկը,
-
ապահովել, որ պահանջված տեսք ունեցող որևէ համարանիշ չմնա կարգավորումից դուրս։
Համարանիշներն ամբողջությամբ՝ այստեղ։
Եվգենյա Համբարձումյան
