22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Վարչապետը հրաժեշտի հանդիպում է ունեցել ՀՀ–ում ԱՄՆ դեսպանի հետ
Քաղաքականություն
07.01.2026 | 19:18
Վարչապետ Նիկոլ Փաշինյանն ընդունել է Հայաստանում ԱՄՆ արտակարգ և լիազոր դեսպան Քրիստինա Քվինին, ով ավարտում է դիվանագիտական առաքելությունը մեր երկրում։ Այս մասին տեղեկացնում են Կառավարության մամուլի ծառայությունից։
Վարչապետը շնորհակալություն է հայտնել դեսպանին համագործակցության և Հայաստան–ԱՄՆ հարաբերությունների հետևողական զարգացմանը նպաստելու համար։ Նիկոլ Փաշինյանը, մասնավորապես, ընդգծել է տիկին Քվինի պաշտոնավարման ընթացքում երկու երկրների միջև հարաբերությունները ռազմավարական մակարդակի բարձրացնելու փաստը։
Քրիստինա Քվինը շնորհակալություն է հայտնել վարչապետին և ՀՀ Կառավարությանը համատեղ աշխատանքի և արդյունավետ փոխգործակցության համար։ Դեսպանը համոզմունք է հայտնել, որ առաջիկայում ևս ՀՀ–ԱՄՆ գործակցությունը կզարգանա բոլոր ուղղություններով։
Կողմերը մտքեր են փոխանակել TRIPP նախագծի իրականացման, ինչպես նաև երկուստեք հետաքրքրություն ներկայացնող այլ հարցերի շուրջ։
Ավելի վաղ հայտնել էինք, որ ԱՄՆ դեսպան Քրիստինա Քվինն ավարտում է իր աշխատանքը ՀՀ-ում։
Հիշեցնենք, որ Թրամփի վարչակազմը հետ է կանչել մոտ 30 դիվանագետի` դեսպանի և դեսպանատներում այլ բարձրաստիճան պաշտոններից։ The Guardian-ը գրում է, որ Դոնալդ Թրամփը փորձում է վերաձևավորել ԱՄՆ դիվանագիտական դիրքորոշումը արտասահմանում՝ այնպիսի անձնակազմով, որը լիովին աջակցում է Թրամփի՝ «Ամերիկան առաջին հերթին» առաջնահերթություններին։
