08.01.2026 | 16:15
Քաղաքապետարանը «ԳԼՈԲԲԻՆԳ»-ին ինքնասպասարկող սարքի տեղադրման թույլտվություն է տրամադրել
Ադրբեջանի հավաքականը հրաժարվել է մասնակցել Երևանում կայանալիք հրաձգության Եվրոպայի առաջնությանը
Քաղաքականություն
07.01.2026 | 11:55
Ադրբեջանի հրաձգության ազգային հավաքականը չի մասնակցի Եվրոպայի առաջնությանը, որը տեղի կունենա փետրվարի 27-ից մարտի 5-ը Երևանում: Այս մասին Prosport-ին հայտնել է Ադրբեջանի հավաքականի գլխավոր մարզիչ Իրադա Աշումովան։ Նրա խոսքով՝ մասնակցության հարցը նույնիսկ չի քննարկվել:
«ԱՊՀ 3-րդ խաղերի ժամանակ Ադրբեջանի կողմից հայ մարզիկներին անվտանգության երաշխիքներ էին տրվել։ Նրանք չեկան և այստեղ ելույթ չունեցան։ Հետևաբար, մենք նույնպես որոշել ենք չմասնակցել Եվրոպայի այս առաջնությանը։ Մենք նույնիսկ պետական մարմիններին չենք դիմել այդ հարցով»,- ասել է Աշումովան։
Հավելենք, որ Ադրբեջանի հրաձգության ֆեդերացիայի նախագահը ներքին գործերի նախարար, գեներալ-գնդապետ Վիլայաթ Էյվազովն է։ Նա վերընտրվել է այս պաշտոնում 2025 թվականի դեկտեմբերի 18-ին։
Թարգմանությունը՝ Էմմա Չոբանյանի
