27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Բնակարանային գողություններ կատարած տղամարդիկ կալանավորվել են․ մայրաքաղաքի և Կոտայքի մարզի քրեական ոստիկանների բացահայտումը
Հասարակություն
05.01.2026 | 17:49
ՆԳՆ ոոստիկանությունից հայտնում են, որ Քրեական ոստիկանության Երևան քաղաքի վարչության սեփականության դեմ ուղղված հանցագործությունների դեմ պայքարի բաժնում օպերատիվ տեղեկություններ էին ստացվել, որ Երևան քաղաքի 2 բնակիչ տարբեր վարչական շրջաններում և մարզերում կատարում են բնակարանային գողություններ։ Գողության դեպքերի վերաբերյալ ոստիկանություն հաղորդումներ էին ներկայացրել նաև Կոտայքի մարզի բնակիչներ։
«Քրեական ոստիկանության Կոտայքի մարզային վարչությունում հաղորդում տված Չարենցավանի բնակիչը հայտնել էր, որ 4-րդ թաղամասի շենքերից մեկում գտնվող իր բնակարանից գողացել են ոսկյա զարդեր։
Համաքաղաքացի մի տղամարդ էլ զանգահարել էր ոստիկանություն և հայտնել, որ բնակարանից գողացել են ոսկյա զարդեր և 136 հազար դրամ։
Երևանի քրեական ոստիկանները օպերատիվ տեղեկություններն իրացնելով Կոտայքի մարզի գործընկերների հետ՝ ձեռնարկած օպերատիվ-հետախուզական միջոցառումների արդյունքում պարզել են, որ նշված արարքը կատարել են 40-ամյա և 49-ամյա երևանցիներ։
Դեկտեմբերի 24-ին տղամարդիկ Չարենցավան-Երևան ճանապարհին հայտնաբերվել, ձերբակալվել և, «Մերսեդես» մակնիշի ավտոմեքենայով հանդերձ, տեղափոխվել են Երևան քաղաքի վարչություն։
Ավտոմեքենայի խուզարկությամբ հայտնաբերվել են ոսկյա զարդեր և բանալիներ։
40-ամյա և 49-ամյա տղամարդիկ կալանավորվել են։
Հանգամանքները պարզվում են»,- ասված է հաղորդագրությունում։
