09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Թիկնիզյանի տրանսֆերի համար առաջարկել են 5,5 միլիոն, Դեյան Ստանկովիչը թույլ չի տվել վաճառել հայ ֆուտբոլիստին
05.01.2026 | 13:27
Սերբիայի չեմպիոն «Ցրվենա Զվեզդայի» նորանշանակ գլխավոր մարզիչ Դեյան Ստանկովիչը դեմ է եղել Հայաստանի ազգային հավաքականի պաշտպան Նաիր Թիկնիզյանին վաճառելուն՝ չնայած Ռուսաստանից ստացած գայթակղիչ առաջարկին։
Սերբական ակումբի գլխավոր տնօրեն Զվեզդան Թերզիչը հայտնել է, որ ռուսական ակումբներից մեկը 5,5 միլիոն եվրո է առաջարկել 26-ամյա ֆուտբոլիստի տրանսֆերի համար։
«Մենք 5,5 միլիոն եվրոյի առաջարկ ենք ստացել Ռուսաստանից։ Չեմ նշի այդ ակումբի անունը։ Սակայն Ստանկովիչը խնդրեց ինձ չվաճառել Թիկնիզյանին»,- Զվեզդան Թերզիչի խոսքը մեջբերում է Mozzart TV-ն։
Ռուսական Sport-express-ը հայտնում է, որ Նաիր Թիկնիզյանի ծառայություններով հետաքրքրված է Ռուսաստանի չեմպիոն «Կրասնոդարը», որի կազմում խաղում է Հայաստանի հավաքականի ավագ Էդուարդ Սպերցյանը։
Նաիր Թիկնիզյանն 2025թ․ ամռանն է Մոսկվայի «Լոկոմոտիվից» տեղափոխվել «Ցրվենա Զվեզդա», որը 1,7 միլիոն եվրո է վճարել տրանսֆերի համար (ըստ Transfermarkt-ի)։ Ընթացիկ մրցաշրջանում հայ պաշտպանը սերբական ակումբի կազմում անցկացրել է 25 հանդիպում ու կատարել 2 գոլային փոխանցում։ Նրա պայմանագրի ժամկետը նախատեսված է մինչև 2028թ․ ամառ։ Transfermarkt-ը 4,5 միլիոն եվրո է գնահատում Թիկնիզյանի տրանսֆերային արժեքը։
