08.06.2026 | 20:51
«Ռեալը» ՈՒԵՖԱ-ին խնդրել է «Բարսելոնային» զրկել տիտղոսներից
Զելենսկին Օլեգ Իվաշչենկոյին նշանակել է Ուկրաինայի հետախուզության գլխավոր վարչության ղեկավար
02.01.2026 | 21:58
Ուկրաինայի նախագահ Վլադիմիր Զելենսկին Օլեգ Իվաշչենկոյին արտաքին հետախուզության ծառայության ղեկավարի պաշտոնից նշանակել է երկրի հետախուզության գլխավոր վարչության ղեկավար։
«Այսօրվանից Օլեգ Իվաշչենկոն մեր երկրի ծառայությունը կշարունակի և կիրականացնի ռուսական ռազմական ներուժի սահմանափակման առաջադրանքները՝ որպես Ուկրաինայի ռազմական հետախուզության ղեկավար»,- «Տելեգրամ»-ի իր էջում գրել է Զելենսկին։
Ավելի վաղ Զելենսկին Ուկրաինայի հետախուզության գլխավոր վարչության ղեկավար Կիրիլ Բուդանովին նշանակել էր նախագահի գրասենյակի ղեկավարի պաշտոնում։
Ուկրաինայի նախագահի գրասենյակի նախկին ղեկավար Անդրեյ Երմակը հրաժարական էր տվել նոյեմբերի 28-ին։ Նա հրաժարական էր տվել ուկրաինական ատոմակայանների օպերատորի՝ «Էներգոատոմի» շուրջ կոռուպցիոն սկանդալի ֆոնին։
