08.06.2026 | 19:51
Անհամբեր սպասում եմ մեր լավ և շարունակական համագործակցությանը. Դանիայի վարչապետը՝ Փաշինյանին
Ռուսական զորքերը հրթիռային հարված են հասցրել Խարկովում բազմահարկ շենքի. վիրավորել է 16 մարդ
02.01.2026 | 19:42
Ռուսական զորքերը հարձակվել են Խարկովի կենտրոնի վրա, վիրավորվել է 16 մարդ, հայտնել է Խարկովի քաղաքապետ Իգոր Տերեխովը, գրում է Current time-ը։
Նրա խոսքով՝ հարձակման է ենթարկվել քաղաքի Կիևսկի շրջանում գտնվող բազմահարկ բնակելի շենքը։ Նա նշել է, որ վնասը զգալի է եղել։
Ուկրաինայի նախագահ Վլադիմիր Զելենսկին հայտնել է, որ տներից մեկը լրջորեն վնասվել է։
Նախնական տեղեկությունների համաձայն՝ ռուսական ուժերը հարվածել են երկու հրթիռով։
«Ցավոք, ռուսները հենց այսպես են վերաբերվում կյանքին և մարդկանց. նրանք շարունակում են սպանել՝ չնայած աշխարհի, և հատկապես Միացյալ Նահանգների բոլոր ջանքերին դիվանագիտական գործընթացում։ Միայն Ռուսաստանը չի ցանկանում, որ այս պատերազմն ավարտվի և ամեն օր անում է ամեն ինչ, որպեսզի այն շարունակվի», – գրել է նա իր սոցցանցերում։
Թարգմանությունը` Էմմա Չոբանյանի
