31.01.2026 | 14:08
Միհրան Հարությունյանն ու Շեյն Տորեսն անցկացրել են հայացքների մենամարտ․ ՏԵՍԱՆՅՈՒԹ
Մահացության թիվը ՀՀ-ում աճել է
02.01.2026 | 20:00
2024 թվականին Հայաստանում մահացել է 25 435 մարդ, ինչը 1 112-ով ավելի է, քան 2023 թվականին։ Այս մասին Factor.am-ը տեղեկանում է ՀՀ վիճակագրական կոմիտեում հրապարակված տվյալներից։
2024-ին մահացածներից 13 139-ը արական, իսկ 12 296-ը՝ իգական սեռի քաղաքացիներ են։
Մահացության հիմնական պատճառը շարունակում է մնալ արյան շրջանառության համակարգի հիվանդությունները․ այս խմբից արձանագրվել է 13 493 մահ, որոնցից 6 646-ը տղամարդիկ, իսկ 6 847-ը կանայք են։
Բարձր է նաև նորագոյացություններից մահացությունը՝ ընդհանուր առմամբ 5 257 դեպք, այդ թվում՝ 2 891 արական և 2 366 իգական սեռի քաղաքացիներ։
Միևնույն ժամանակ, 2024 թվականին աճել է կյանքի միջին տևողությունը՝ կազմելով 78,6 տարի․ տղամարդկանց համար՝ 75,1, կանանց համար՝ 81,7 տարի։
Անի Թամրազյան
