23.01.2026 | 19:50
Իրանում 2 հայկական եկեղեցի է վնասվել․ Արաղչին հայտնել է բողոքի ցույցերի ժամանակ 3,117 զոհի մասին
Ինչ է World Travel Index-ը, որի տվյալներին հղում է անում վարչապետ Փաշինյանը
Հասարակություն
02.01.2026 | 12:34
Հայաստանն ընդգրկվել է World Travel Index-ի ճամփորդության համար աշխարհի ամենաապահով երկրների ցանկում և 193 երկրի շարքում 13-րդ տեղում է 90,27 ինդեքսով։ Այդ մասին Ֆեյսբուքի իր էջում գրել է ՀՀ վարչապետ Նիկոլ Փաշինյանը:
«Վարկանիշը ցույց է տալիս, թե որ երկրներն են առաջարկում ճանապարհորդության անվտանգության լավագույն պայմանները։ Տարին շատ լավ սկսվել և շատ լավ շարունակվում է։ Սիրում եմ բոլորիդ»,- գրել է նա:
Ուշագրավ է, որ Փաշինյանը հղում է անում մի կայքի տվյալների, որը չի հանդիսանում պաշտոնական ճանաչված ինդեքս։ Կայքի մեթոդաբանությունը թափանցիկ չէ․ տեղեկատվություն է հավաքում 100+ աղբյուրներից, կատարում AI վերլուծություն, բայց չունի հստակ հաշվարկման բանաձև։
Կայքը հիմնվում է նաև սուբյեկտիվ աղբյուրների վրա (Numbeo, Reddit, Quora, ոչ պաշտոնական վիճակագրություն)։
Այսպիսով՝ World Travel Index-ը կարող է ծառայել որպես գնահատման գործիք ճանապարհորդների համար, բայց այն չի համարվում միջազգային ճանաչված ինդեքս։
Անի Թամրազյան
