10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Էնթոնի Ջոշուան լուրջ ավտովթարի մասնակից է դարձել, մահացել են բռնցքամարտիկի մարզիչները․ ՏԵՍԱՆՅՈՒԹ
30.12.2025 | 12:40
Պրոֆեսիոնալ բռնցքամարտի գերծանր քաշային կարգում IBF, WBA, WBO և IBO վարկածներով աշխարհի նախկին չեմպիոն Էնթոնի Ջոշուան մահվան ելքով ավտովթարի մասնակից է դարձել Նիգերիայում, հաղորդում է BBC-ն։
Բրիտանացի բռնցքամարտիկին տեղափոխող մեքենայում եղել են նաև նրա մարզիչներ Կևին Լատիֆ Այոդելեն ու Սինա Գամին, որոնք մահացել են։ Ջոշուան ստացել է վնասվածքներ և տեղափոխվել Աբեոկուտա քաղաքի հիվանդանոց։ Նրա կյանքին վտանգ չի սպառնում։
Էնթոնի Ջոշուային ու նրա թիմակիցներին տեղափոխող մեքենան մեծ արագությամբ բախվել է Լագոս Իբադան մայրուղու երթևեկելի հատվածում կայանված բեռնատարին։
Սինա Գամին շուրջ տասը տարի Ջոշուայի ֆիզպատրաստության մարզիչն էր, իսկ Կևին Լատիֆ Այոդելեն՝ անձնական մարզիչը։ Երկուսն էլ բռնցքամարտիկի մտերիմ ընկերներն էին։
Էնթոնի Ջոշուան նախորդ մենամարտն անցկացրել էր դեկտեմբերի 19-ին՝ 6-րդ ռաունդում նոկաուտով հաղթելով ամերիկացի բլոգեր-բռնցքամարտիկ Ջեյք Փոլին։ Աշխարհի նախկին չեմպիոնը պրոֆեսիոնալ ռինգում ունի 29 հաղթանակ ու 4 պարտություն։
