16.04.2026 | 10:00
Ազգային ժողովի նիստը՝ ՈՒՂԻՂ
Ավտոբուսը յուղի արտահոսք է ունեցել, վարորդը գրավոր նկատողություն է ստացել․ Կիրակոսյան. ՏԵՍԱՆՅՈՒԹ
Տնտեսություն
15.12.2025 | 10:16
«Տեխնիկական անսարքության պատճառով ավտոբուսն ունեցել է յուղի արտահոսք դեպի արտանետման համակարգ, ինչի արդյունքում առաջացել է մեծ քանակի ծուխ»,- քաղաքապետարանի գործակարգավարական նիստում ասաց Տրանսպորտի վարչության պետ Բեգլար Կիրակոսյանը՝ անդրադառնալով շաբաթ օրը համացանցում տարածված թանձր ծուխ արձակող «Higer» մակնիշի ավտոբուսի տեսանյութին։
Պաշտոնյայի խոսքով՝ վարորդը կարգապահական պատասխանատվության է ենթարկվել։
«Շահագործման անվտանգության կանոնները խախտելու համար վարորդը ստացել է գրավոր նկատողություն: Նշեմ նաև, որ ավտոբուսը գտնվել է երթուղուց դուրս՝ հավաքակայան ուղևորվելիս: Տեղի ունեցածն անթույլատրելի է, միջադեպի կապակցությամբ մեր հանրությունից ներողություն եմ խնդրում»,- նշեց Կիրակոսյանը։
Տիգրան Ավինյանը, դիմելով ենթակային, ասաց․
«Իրականում շատ վախենալու պատկեր էր, այնպիսի տպավորություն էր, որ դա ինքնաթիռ է և տուրբիններից մեկը վառվում է»։
Մանրամասները՝ տեսանյութում։
Արփի Հակոբյան
