10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Վարչապետը չի ուզում օտար հատուկ ծառայությանը ենթարկվող կաթողիկոս․ նա և ԱԱԾ-ն տիրապետում են փաստերի. Սրբուհի Գալյան. ՏԵՍԱՆՅՈՒԹ
Քաղաքականություն
10.12.2025 | 21:00
«Անառարկելի փաստեր կան և կարգալույծ լինելու ենթակա անձը չի կարող եկեղեցում զբաղեցնել այն պաշտոնը, որը զբաղեցնում է»,- Factor TV-ի հետ զրույցում այս մասին հայտարարեց արդարադատության նախարար Սրբուհի Գալյանը։
Դիտարկմանը, թե իշխանությունն է որոշում՝ ով եկեղեցում պաշտոն զբաղեցնելու իրավունք ունի, նախարարը պատասխանեց․ «Դա ես չեմ որոշում․ դա սահմանում են եկեղեցական կանոնակարգերը, եթե, իհարկե, իմ գիտելիքները չեն դավաճանում․ ժամանակին ես այդ կանոններն ուսումնասիրել եմ»։
Հարցին՝ ի՞նչ անառարկելի փաստեր ունեն, նախարարը պատասխանեց․ «Ես ԴՆԹ թեստ անձամբ չեմ արել, բայց վստահաբար շոշափում եմ հանրային ընկալումները, և առնվազն ինձ համար այդ ընկալումները միանշանակ են»։
Սրբուհի Գալյանը հիշեցրեց ԱԺ-ում Նիկոլ Փաշինյանի հնչեցրած միտքը, որ «չի ցանկանում օտար պետության հատուկ ծառայությանը ենթարկվող կաթողիկոս ունենալ»՝ հավելելով, թե «վարչապետը և իր ենթակայության տակ գործող մարմինները տիրապետում են համապատասխան փաստերի»։
Անդրադառնալով Անկախության հռչակագիրը Սահմանադրությունից հանելու հավանականությանը՝ նախարարը նշեց․ «Սահմանադրության մեջ չպետք է լինեն ազգային անվտանգությունն ու խաղաղությունը վտանգող ձևակերպումներ»։
Հարցազրույցն ամբողջությամբ՝ տեսանյութում։
Նարեկ Կիրակոսյան
