12.12.2024 | 18:21
Ղրղզստանում որոշել են փոխել երկրի օրհներգը, քանի որ դրա հնչյուններից անգամ «թռչուններն են վախեցել»
Առանց նախապայմանների պատրաստ ենք հայ-թուրքական հարաբերությունների կարգավորմանը. Նիկոլ Փաշինյան. ՏԵՍԱՆՅՈՒԹ
Քաղաքականություն
01.11.2018 | 15:14
Հայ-թուրքական հարաբերությունների հետ կապված կարող եմ ասել նույնը, ինչ ասվել է միշտ. Հայաստանը պատրաստ է առանց նախապայմանների հայ-թուրքական հարաբերությունների կարգավորմանը: Այս մասին այսօր՝ նոյեմբերի 1-ին, ՀՀ Ազգային ժողովում ունեցած ելույթում հայտարարեց վարչապետի թեկնածու Նիկոլ Փաշինյանը:
Խնդրում եմ որևէ մեկը որևէ կերպ չմեկնաբանի, թե մենք այս դիրքորոշմամբ որևէ կերպ նսեմացնում ենք 1915 թվականի Հայոց ցեղասպանության ճանաչման հարցը: Որովհետև Ցեղասպանության ճանաչման հարցը մեզ համար և մեր ընկալմամբ հայ-թուրքական հարաբերությունների խնդիր չէ: Դա մեզ համար անվտանգության խնդիր է. ոչ միայն Հայաստանի, այլև միջազգային անվտանգության, և դա մեր ներդրումն է ցեղասպանությունների կանխարգելման համաշխարհային շարժմանն ու պրոցեսին» ,- հավելեց Փաշինյանը:
Ինչ վերաբերում է փակ սահմանին. նա հիշեցրեց, որ հայ-թուրքական սահմանը փակ է Թուրքիայի կողմից, և փակ է ղարաբաղյան հակամարտության պատճառով:
«Եվ դա վատ քաղաքականություն է: Քանի որ եթե որևէ մեկը հույս ունի, որ կարող է Հայաստանի կամ Ղարաբաղի ժողովրդին հարկադրանքի և սպառնալիքի ճանապարհով մղել Ղարաբաղի հարցի կարգավորման այս կամ այն տարբերակին, ուղղակի սխալվում է»,- նշեց Նիկոլ Փաշինյանը:
Մանրամասները՝ տեսանյութում:
