13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Ինդոնեզիայում կործանված օդանավի «սև արկղը» գտել են. Boeing-ի մասնագետները կգաղտնազերծեն դրա տվյալները
Քաղաքականություն
01.11.2018 | 12:16
Ինդոնեզիայի ՌԾՈՒ ջրասուզակները հայտնաբերել են Lion Air ավիաընկերության կործանված Boeing 737 օդանավի ինքնագրիչ սարքը: «Սև արկղն» արդեն դուրս են բերել ծովից: Այս մասին գրում է rbc.ru-ն՝ վկայակոչելով Detik News-ը:
Այս պահին ջրից դուրս են բերել նաև 48 մարդու դի. նրանցից մեկի ինքնությունը հաստատվել է:
ՏԱՍՍ-ի փոխանցմամբ՝ Boeing կորպորացիայի ներկայացուցիչներն Ինդոնեզիայի տրանսպորտային անվտանգության ապահովման հանձնաժողով են ժամանել՝ օդանավի ինքնագրիչ սարքի տվյալները գաղտնազերծելու համար:
«Հայտնաբերվել է սարքի մի մասը, որը գրանցում է թռիչքի պարամետրերը: Հույս ունենք առաջիկայում գտնել նաև երկրորդը, որը ձայնագրում է օդաչուների խոսակցությունը»,- հայտնել է Որոնողական և փրկարարական ազգային գործակալության ղեկավար Մոհամմադ Սայուգին՝ հավելելով, որ արտաքինից սարքը չի վնասվել, սակայն դրա վիճակը հնարավոր կլինի գնահատել միայն լաբորատոր պայմաններում:
