24.04.2026 | 18:09
Իրանի ԱԳ նախարարն Իսլամաբադ կայցելի՝ ԱՄՆ-ի հետ խաղաղության բանակցությունները վերսկսելու
ՊՊԾ գնդի գրավման ու ՀՀ սահմանի նկատմամբ ոտնձգության միջև տարբերություն չկա․ ԱԺ փոխնախագահ․ ՏԵՍԱՆՅՈՒԹ
Քաղաքականություն
01.11.2018 | 12:20
Ողջունում եմ նոր Կառավարության՝ Համաներում հայտարարելու մասին օրենքի նախագիծը, և այս հարցում իմ և նոր Կառավարության տեսակետները համընկնում են ու երկրորդ կարծիք լինել չի կարող. այս մասին այսօր նախագծի քննարկման ժամանակ ասաց Էդուարդ Շարմազանովը՝ շեշտելով, սակայն, որ ունի որոշ վերապահումներ։
«ՊՊԾ գնդի գրավումը հարձակում էր ՀՀ իշխանության վրա, և որևէ տարբերություն չեմ տեսնում ՊՊԾ գնդի գրավման կամ ՀՀ սահմանի նկատմամբ ոտնձգության կամ Արցախում կանգնած մեր զինվորի վրա հարձակման միջև։ ՊՊԾ գնդում զոհված Վանոյանը պաշտպանում էր բոլորիս՝ Նիկոլ Փաշինյանից մինչև Էդուարդ Շարմազանովը, և այսօր մենք ի՞նչ աչքերով ենք նայելու այդ մարդկանց ընտանիքներին, երբ այս համաներման ակտով ՊՊԾ գունդը գրավողներին ազատ ենք արձակում։ Մենք սրանով ական ենք դնում ՀՀ պետականության տակ։ Աստված մի արասցե, եթե մի անգամ էլ նման բան լինի, դարձյա՞լ պետք է համաներենք։ Մենք, փաստորեն, ասում ենք հարձակվեք ՀՀ-ի վրա, մենք հետո կհամաներենք»,- ասաց ԱԺ փոխնախագահը՝ ընդգծելով, որ կողմ է համաներմանը, բայց ոչ ՊՊԾ գնդի գրավմանը մասնակցածներին ազատ արձակելուն։
Մանրամասները՝ տեսանյութում։
