16.02.2026 | 15:00
ՀԷՑ-ը՝ հավելագրումների ահազանգերի մասին // Դավիթ Տոնոյանի պաշտպանները ՄԻԵԴ են դիմել․ ԼՈՒՐԵՐ
Արթուր Դավթյանը աշխարհի 24 ուժեղագույնների պայքարում գրավեց 9-րդ պատվավոր տեղը
01.11.2018 | 11:44
Դոհայում հոկտեմբերի 31-ին անցկացվեցին սպորտային մարմնամարզության աշխարհի առաջնության ծրագրով տղամարդկանց բազմամարտի եզրափակիչ մրցումները: Հայաստանի լավագույն բազմամարտիկ Արթուր Դավթյանը գերազանցեց սպասելիքները: Բազմամարտում հայտավորված 156 մրցակիցների պայքարում նա նախ մտավ եզրափակիչ, այնուհետև հողագնդի 24 ուժեղագույնների պայքարում գրավեց 9-րդ պատվավոր տեղը: Այս արդյունքը լավագույնն է անկախ Հայաստանի մարմնամարզության պատմությունում:
Բազմամարտում Արթուրը զարգացրեց որակավորման փուլի հաջողությունը, քանզի բոլոր վեց գործիքների վրա կայուն, հավասարակշիռ ելութներ ունեցավ, վաստակած բարձր` ընդհանուր 83,140 միավորով արժևորեց իր հաջողությունը:
Նշենք, որ չեմպիոնի պատվին արժանացավ Արթուր անունով մեր մեկ այլ հայրենակից `ՌԴ-ն ներկայացնող Դալալոյանը:
Հիշեցնենք, որ Արթուրը կմասնակցի նաև նոյեմբերի 3-ին կայանալիք հենացատկերի եզափակչին, իսկ նոյեմբերի 2-ին օղակներ մրցաձևի եզրափակչում մեդալների համար կպայքարեն նաև մեր պատվիրակներ Վահագն Դավթյանն ու Արթուր Թովմասյանը:
ՀԱՕԿ լրատվական բաժին
