Մեղադրում են Փաշինյանին՝ թուրք և դավաճան է, ու գնում Աթենք՝ հանգստի․ եթե դավաճան լիներ, ես կփորձեի դուրս շպրտել կառավարությունից․ Գեղամ Նազարյան․ ՏԵՍԱՆՅՈՒԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Ազգային ժողովի պատգամավոր Գեղամ Նազարյանը Factor TV-ի հետ զրույցում կտրականապես դեմ է արտահայտվել այն ձևակերպմանը, թե Արցախը «տորթի նման» հանձնվել է Ադրբեջանին։ Նա շեշտել է, որ ռուս խաղաղապահների մանդատը ոչ թե Արցախի կարգավիճակի լուծումն էր, այլ ֆիզիկական անվտանգության ապահովումը։

«Ռուս խաղաղապահները Արցախում Արցախի կարգավիճակի հարց չէին լուծում։ Իրենք այնտեղ էին, որ ապահովեն հայ բնակչության անվտանգությունը»,- նշել է պատգամավորը՝ հավելելով,- «Ամենավատը, որ մենք ունենք, դա իրականությունը այս կամ այն պատճառով խեղաթյուրելու փորձերն են. բերեք խեղաթյուրենք իրականությունը, խեղաթյուրենք անցյալը, որից մենք կարող ենք ստանալ որոշակի օգուտ՝ ինչ-որ նպատակի հասնելու համար»։

Ըստ Նազարյանի՝ Ռուսաստանը չէր կարող լուծել Արցախի կարգավիճակի հարցը, քանի որ դա քաղաքական գործընթաց էր․ «Եթե Պրագայում Նիկոլ Փաշինյանը հայտարարեր՝ Կուր գետից հարավ բոլոր տարածքները Հայաստան են, ռուս խաղաղապահները և ռուսական զորքերը տանկերը ուղղելու էին դեպի Բաքու, գնային Բաքուն գրավեի՞ն»,- հարցադրում է անում Նազարյանը։

Գեղամ Նազարյանը պնդում է, որ ներկայիս իշխանությունների վարած քաղաքականությունը հանգեցրել է պետականության թուլացմանը, իսկ խաղաղության մասին խոսակցությունները իրական հիմք չունեն։

«Երբ որ հազար տարի պետություն չես ունենում, ապավինում ես խոշոր ուժերին… Եթե մենք ձևացնենք, թե այ գիտեք, եթե մենք Ռուսաստանի հետ մեր հրաշալի հարաբերությունները… խզենք, ապա Ռուսաստանը գոնե մեզ չի ակնարկի, որ տղերք դուք ճանաչեք Լեռնային Ղարաբաղի անկախությունը…»,- հեգնեց պատգամավորը։

Նա նաև քննադատել է այն թեզը, թե Ադրբեջանի և Թուրքիայի հետ խաղաղություն հնարավոր չէ՝ բոլոր դեպքերում:

«Միայն այսպիսի մի բան կա. անընդհատ ժողովրդին ասում են՝ միևնույն է, Ադրբեջանը հարձակվելու է… Միևնույնն է՝ Թուրքիան ցեղասպանելու է հայերին… Էդ ասելուց հետո իրենք կարևոր նախադասությունը չեն ասում. բա լավ, եթե իրենք ճիշտ են, մենք ի՞նչ պիտի անենք։ Հիմա էլ զենք ձեռք բերում ենք, հզորանում ենք»,- նշել է Նազարյանը։

Խոսելով հայ-ռուսական հարաբերությունների մասին՝ Նազարյանը պնդել է, որ քաղաքականության մեջ «նեղանալու» տեղ չկա, և պետք է առաջնորդվել սառը հաշվարկով։

«Մենք իրավունք չունենք Ռուսաստանից նեղանալու, թե դու ինչու ես էս անում։ Այդ երկրի շահը էդ ա, դա ուրիշ պետություն ա, ուրիշ նպատակներով։ Մենք, ցավոք սրտի, մեր ազգի մի մասը իրան նույնացնում է Ռուսի ու Ռուսաստանի հետ… Մյուս մասն էլ գիշեր-ցերեկ Ալիևի ելույթներն են հետևում…»,- ասել է նա։

Չնայած ստեղծված իրավիճակին՝ Գեղամ Նազարյանը հորդորում է չհամակերպվել պարտության հետ և պատրաստ լինել աշխարհաքաղաքական փոփոխություններին։

«Աշխարհը փոխվում է։ Կընկալե՞նք մենք, որ փոխվում է, մեր երկիրը կլինի լավ երկիր։ Չենք ընկալի՝ կլինի թույլ, աղքատ, աշխարհի կողմից մոռացված մի աղքատության տարածք»,- զգուշացրել է նա։

Ըստ պատգամավորի՝ անհրաժեշտ է ոչ թե տրվել հուսահատությանը, այլ հզորանալ․ «Ինձանից շատ Արցախի համար չցավեք, անկեղծ եմ ասում, ինձանից շատ չցավեք։ Բայց կա ռեալ իրականություն, ռեալ իրողություններ։ Եթե մենք ձևացնենք… մենք ընդամենը կլինենք խոցելի, կլինենք գործիք այս կամ այն պետության ձեռքին»։

Հաղորդումն ամբողջությամբ՝ տեսանյութում։

Ռոբերտ Անանյան