Ադրբեջանն անհանգստացած է՝ ԱՄՆ-ն ակտիվ քայլ արեց ՀՀ-ի հետ խաղաղության ամրացման հարցում․ Էմիլ Օրդուխանյան․ ՏԵՍԱՆՅՈՒԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Հայ-ամերիկյան աշխատանքային խմբերը սկսել են աշխատանքները՝ ուղղված Վաշինգտոնյան համաձայնագրերի իրագործմանը և «Թրամփի ճանապարհ»-ի զարգացմանը։ Այս մասին հայտնի դարձավ Հայաստանի վարչապետի և ԱՄՆ պետքարտուղարի տեղակալ Էլիսոն Հուքերի հանդիպմանը հաջորդած հաղորդագրությունից։ Քաղաքագետ Էմիլ Օրդուխանյանը Factor TV-ի հետ զրույցում ասում է՝ սա վկայում է այն մասին, որ հայ-ամերիկյան հարաբերությունները թևակոխել են գործնական փուլ։

Չնայած ամերիկյան վարչակազմի գերզբաղվածությանը, այս ուղղությունը տեղավորվում է Միացյալ Նահանգների ռազմավարական շահերի մեջ։ Օրդուխանյանը նշում է, որ ԱՄՆ-ն Թրամփի նախագահության հենց սկզբից ակտիվորեն սկսել է աշխատել այս տարածաշրջանի հետ՝ նպատակ ունենալով խաղաղության օրակարգով մուտք գործել Հարավային Կովկաս։ Սա ԱՄՆ-ի համար պատեհ առիթ է՝ կոնֆլիկտից հետո ամրապնդելու իր դիրքերը տարածաշրջանում։ Ադրբեջանի կողմից որոշակի անհանգստությունները ևս հիմնավորում են, որ ԱՄՆ-ի արագ քայլերն ունեն հեռանկարային նշանակություն։

Քաղաքագետի դիտարկմամբ՝ ԱՄՆ-ն հարմար պահ է գտել տարածաշրջանում ակտիվանալու համար, քանի որ Ռուսաստանի Դաշնության ազդեցության լծակները թուլացել են։ Սրան նպաստել է նաև հակամարտության հաղթահարումը, գոնե փաստաթղթային մակարդակում, ինչը բացել է հնարավորությունների նոր դաշտ։

Ըստ ամերիկյան կողմի՝ «Թրամփի ուղին» կոնկրետ տնտեսական նախագիծ է, որը, զուգորդված Հայաստանի և Ադրբեջանի միջև խաղաղության համաձայնագրով ու Թուրքիայի հետ հարաբերությունների կարգավորմամբ, խոստանում է բացել Հարավային Կովկասը որպես կենսական առևտրային ուղղություն։ Սա աշխարհաքաղաքականության բաղադրիչ է, որտեղ ԱՄՆ-ն, հարգելով պետությունների սուվերենությունն ու տարածքային ամբողջականությունը, իր տնտեսական ծրագրերով ամրապնդվում է տարածաշրջանում։

«Վերջերս Կենտրոնական Ասիայի հինգ պետությունների ղեկավարների աննախադեպ հանդիպումը ԱՄՆ նախագահի հետ Վաշինգտոնում վկայում է այն մասին, որ այս տարածաշրջանը ևս դիտարկվում է որպես ռազմավարական նշանակության գոտի։ Այս պետությունները, չնայած Ռուսաստանի հետ ունեցած կապերին, փնտրում են այլընտրանքային ուղիներ»,- ասաց քաղաքագետը։ Սա, ըստ Օրդուխանյանի, արդարացնում է Հայաստանի արտաքին քաղաքականության բալանսավորման ռազմավարությունը։

Քաղաքագետը կարծում է, որ Ռուսաստանը սխալ ռազմավարության հետևանքով կորցնում է իր ազդեցությունը հետխորհրդային տարածքում։ Կոշտ ուժի կիրառումը չի կարող համակրանք ստեղծել, այլ հակառակը՝ դրդում է այդ պետություններին այլընտրանքներ փնտրել։ Ըստ նրա՝ Հայաստանի փորձը ցույց է տալիս, որ միակողմանի կախվածությունը կարող է բացասական հետևանքներ ունենալ։

Քաղաքագետը առաջիկա խորհրդարանական ընտրությունները Հայաստանում դիտարկվում է որպես հնարավորություն՝ կամ վերականգնելու Ռուսաստանի ազդեցությունը, կամ վերջնականապես դուրս գալու դրա տակից։ Ըստ Օրդուխանյանի, Հայաստանի իշխանությունների դիվերսիֆիկացիոն քաղաքականությունն արդեն տալիս է իր պտուղները, ինչպես օրինակ՝ եվրոպական դիտորդների առաքելությունը, որոնց ներկայությամբ նոր ներխուժումներ չեն եղել։

Հայաստանի արտաքին գործերի նախարարի հայտարարությունը ԵՄ-ին անդամակցելու հայտ ներկայացնելու հավանականության մասին վկայում է որակապես նոր իրավիճակի մասին։ Սակայն, ըստ քաղաքագետի, այս քայլերի իրատեսականությունը կախված կլինի 2026 թվականի խորհրդարանական ընտրությունների արդյունքներից և քաղաքական ուժերի նոր դասավորվածությունից։

Հաղորդումն ամբողջությամբ՝ տեսանյութում։

Ռոբերտ Անանյան