09.10.2026 | 17:40
Գերմանական ակումբը երկրպագուներին արգելել է ցատկել տրիբունաներում
Դողս գյուղում առաջատարը «Մայր Հայաստան»-ն է
Քաղաքականություն
16.11.2025 | 22:13
Վաղարշապատ համայնքի Դողս բնակավայրում քվեաթերթիկների հաշվարկն ավարտվեց։ Բնակավայրում հաշվառված է 1059 ընտրող, որից ընտրությանը մասնակցել է 642-ը։
Քվեաթերթիկների նախնական հաշվարկով առաջատարը «Մայր Հայաստան»-ի Գրիշա Հարությունյանն է, նա ստացել է 354 քվե, երկրորդը` ՔՊ-ի թեկնածու Արգիշտի Մեխակյանն է՝ 212 քվե։
Նշենք, որ Դողսը «Մայր Հայաստան»-ի թեկնածու Գրիշա Հարությունյանի գյուղն է։
Հիշեցնենք՝ Վաղարշապատում քվեարկություն ավարտվել է, քվեարկությանը մասնակցել է ընտրական իրավունք ունեցող քաղաքացիների 45.12% կամ 31 հազար 527 ընտրող։
Վաղարշապատ համայնքում ընտրական իրավունք ունի 69 հազար 866 քաղաքացի, հայտնում են Կենտրոնական ընտրական հանձնաժողովից։
Հիշեցնենք՝ ընտրություններին մասնակցում է 8 քաղաքական ուժ՝ «Հայրենիք», «Քաղաքացիական պայմանագիր», «Ազատ դեմոկրատներ», «Մայր Հայաստան» ազգային-դեմոկրատական, «Ժառանգություն», «Հանրապետություն», «Համահայկական ճակատ» կուսակցություններն ու «Հաղթանակ» կուսակցությունների դաշինքը՝ կազմված «Հայ Յեղափոխական Դաշնակցություն» և «Առաջ» աջակենտրոն կուսակցություններից:
Նարեկ Կիրակոսյան
