05.12.2025 | 18:32
Նաիր Թիկնիզյանով հետաքրքրված են եվրոպական ու ռուսական ակումբներ․ գործակալ
Բաքուն հայտարարում է, թե որոշ շրջանակներ խոչընդոտում են «Զանգեզուրի միջանցքին»
Քաղաքականություն
14.11.2025 | 20:12
Հայաթափված Ստեփանակերտում տեղի է ունեցել Թյուրքական պետությունների հատուկ ծառայությունների մարմինների խորհրդաժողովի 27-րդ լիագումար նիստը՝ «Հատուկ ծառայությունների մարմինների դերը միջազգային տրանսպորտային երթուղիների անվտանգության ապահովման գործում» խորագրով։ Միջոցառմանը մասնակցել են Ադրբեջանի պետական անվտանգության ծառայության (ՊԱԾ) պետ Ալի Նագիևը, Արտաքին հետախուզության ծառայության պետ Օրհխան Սուլթանովը, Թուրքիայի հետախուզական գործակալության (MIT) ղեկավար Իբրահիմ Քալընը, Ղազախստանի, Ուզբեկստանի և Ղրղզստանի համապատասխան ծառայությունների ղեկավարները, ինչպես նաև Հունգարիայի ներկայացուցիչը՝ որպես պատվավոր հյուր։
Ալի Նագիևը մանրամասն խոսել է միջազգային տրանսպորտային և հաղորդակցության ուղիների անվտանգ գործունեության ապահովման, դրանք միջազգային ահաբեկչությունից, միջազգային կազմակերպված հանցագործությունից, մաքսանենգությունից և այլ բացասական երևույթներից պաշտպանելու գործում հետախուզական ծառայությունների դերի մասին:
Բաքվի ներկայացուցիչը հայտարարել է, թե որոշակի ապակառուցողական շրջանակներ ամեն ինչ անում են՝ խոչընդոտելու, այսպես կոչված, «Զանգեզուրի միջանցք» իրականացմանը, որը Հեռավոր Արևելքից մինչև Եվրոպա ձգվող Միջին միջանցքի կարևոր բաղադրիչ է, և այդ գործոնն այս ուղղությամբ հուսալի անվտանգության ապահովումը դարձնում է առաջնահերթություն:
Հիշեցնենք, որ համաժողովի մասնակիցներին ուղղված իր ուղերձում Իլհամ Ալիևը նույնպես, այսպես կոչված, «Զանգեզուրի միջանցք» եզրույթն է օգտագործել։
Թարգմանությունը՝ Էմմա Չոբանյանի
