13.05.2026 | 22:08
«80 հազար վարձկան կներգրավենք». զրույց ընտրություններին հայտ ներկայացրած Արտակ Սարգսյանի հետ. ՏԵՍԱՆՅՈՒԹ
Արինա Սաբալենկան գերազանցել է Սերենա Ուիլյամսի ֆինանսական ռեկորդը
12.11.2025 | 15:24
«Մեծ սաղավարտի» մրցաշարերի քառակի հաղթող, աշխարհի առաջին ռակետ Արինա Սաբալենկան մեկ մրցաշրջանում ստացած մրցանակային գումարի չափով ռեկորդ է սահմանել WTA-ի պատմության մեջ, հաղորդում է Tennis.com-ը։
Այս մրցաշրջանում բելառուս թենիսիստուհին ստացել է 15 008 519 դոլար մրցանակային գումար։
Այդ ցուցանիշով նախորդ ռեկորդակիրն ամերիկացի Սերենա Ուիլյամսն էր, որը 2013 թվականին վաստակել էր 12 385 572 դոլար։ Այդ տարի Ուիլյամսը հաղթել էր «Ռոլան Գարոսում», US Open-ում ու WTA-ի տարվա ամփոփիչ մրցաշարում։
2025 թվականին Արինա Սաբալենկան նվաճել է US Open-ի չեմպիոնի տիտղոսը, հաղթել Մադրիդի և Մայամիի WTA-1000 մրցաշարերում ու Բրիսբենի WTA-500 մրցաշարում։
