06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Հունգարացի ֆուտբոլիստ․ Կփորձենք տիրել նախաձեռնությանը Հայաստանի դեմ խաղում
11.11.2025 | 16:17
Հունգարիայի հավաքականի և «Ֆերենցվարոշի» կիսապաշտպան Ալեքս Տոթը խոսել է Հայաստանի հավաքականի դեմ ԱԱ-2026-ի ընտրական մրցաշարի F խմբի 5-րդ տուրի հանդիպման սպասելիքներից։
«Սպասում եմ այնպիսի սցենար, ինչպիսին Բուդապեշտում կայացած առաջին խաղում էր: Կփորձենք տիրել նախաձեռնությանը Հայաստանում կայանալիք խաղում: Հանդիպելու են անմիջական մրցակիցներ, մեզ հաղթանակ է հարկավոր»,- Ալեքս Տոթի խոսքը մեջբերում է sportal.hu-ն:
Հիշեցնենք, որ առաջին շրջանի խաղում հունգարացիները 2։0 հաշվով հաղթել էին Հայաստանի հավաքականին։ Չորրորդ տուրից հետո ընտրական F խմբի առաջատարը Պորտուգալիայի հավաքականն է, որն ունի 10 միավոր։ Հունգարիան վաստակել է 5, Իռլանդիան՝ 4, իսկ խմբի հետնապահ Հայաստանը՝ 3 միավոր։
Հայաստան – Հունգարիա հանդիպումը կկայանա նոյեմբերի 13-ին Վազգեն Սարգսյանի անվան «Հանրապետական» ստադիոնում ու կմեկնարկի ժամը 21։00-ին։ Այդ խաղից 3 օր անց Եղիշե Մելիքյանի գլխավորած թիմը Պորտուի «Դրագաու» ստադիոնում վերջին տուրի խաղը կանցկացնի Պորտուգալիայի հավաքականի հետ։
